Lexoni edhe:
Super skandal në Botërorin 2022, ndeshja Belgjikë – Kanada drejtohet nga gjyqtari i suspenduar për korrupsion
Haradinaj komplimenton Kurtin për marrëveshjen e e fundit: U evitua rreziku i parë që të ketë viktima
Ish Kryeministri i Kosovës dhe Kryetari i AAK-së, Ramush Haradinaj, nga pozita e deputetit ka thënë sot në Kuvend se me marrëveshjen e djeshme për targat u evitua rreziku i parë që të ketë viktima, siç tha ai, qofshin policë apo qytetarë serbë të veriut. Megjithatë, ai tha se me marrëveshjen e djeshme nuk është zgjidh situata në veri, transmeton "Kosova Sot Online".
“Sfida që na pret është rikthimi në institucione i atyre që kanë lëshuar vendet e punës, apo plotësimi i gjithë atyre vendeve vakante në rend dhe ligj. E kam ditë që do të vijmë tek kjo marrëveshje e tillë për faktin se e kam dëgjuar në vizitën e parë Escobarin dhe Lajçak që kanë thënë integriteti territorial nuk është i negociueshëm, sovraniteti nuk është i negociueshëm. Mos të eksperimentojmë askush prej nesh me ide se ndonjë rregullim tjetër na shpëton nga asociacioni. Nëse duam me shpëtu nga asociacioni urdhëroni të bisedojmë bashkë, por jo duke rrezikuar tërësinë territoriale”, tha Haradinaj.
(Kosova Sot Online )
