Ministri i Mbrojtjes Armend Mehaj pas takimit me homologun shiptar Niko Peleshi: Stërvitje të përbashkëta ushtarake mes Kosovës dhe Shqipërisë

  • S.A /
  • 03 December 2022 - 12:38
Ministri i Mbrojtjes  Armend Mehaj pas  takimit me  homologun shiptar Niko Peleshi: Stërvitje të përbashkëta ushtarake mes Kosovës dhe Shqipërisë

Ministri i Mbrojtjes, Armend Mehaj ka bërë të ditur se Kosova dhe Shqipëria do ta thellojnë edhe më shumë bashkëpunimin vëllazëror në interes të të dyja vendeve, transmeton "Kosova Sot Online".

Mehaj në një postim në Facebook bën të ditur se ka takuar ministrin e Mbrojtjes së Shqipërisë, Niko Peleshi, ndërsa thotë se edhe “në këtë takim me vëllain ndamë kënaqësinë me sukseset e përbashkëta gjatë këtij viti, duke u zotuar që edhe në vitin e ardhshëm të rrisim bashkëpunimin në fushën e arsimimit e stërvitjeve të përbashkëta ushtarake”.

Ky ështe postimi i tij në Facebook:

Kosova dhe Shqipëria do të thellojmë edhe më shumë bashkëpunimin vëllazëror në interes të të dyja vendeve tona

Edhe në këtë takim me vëllain, Ministrin e Mbrojtjes së Republikës së Shqipërisë, Niko Peleshi ndamë kënaqësinë me sukseset e përbashkëta gjatë këtij viti, duke u zotuar që edhe në vitin e ardhshëm të rrisim bashkëpunimin në fushën e arsimimit e stërvitjeve të përbashkëta ushtarake, me fokus në forcimin e gatishmërisë për ndërveprim operacional sipas konceptit ‘Smart defense’.

Bashkëpunimi bilateral Kosovë -Shqipëri dhe rajonal me vendet partnere në fushën e sigurisë dhe mbrojtjes, është në interes të të dyja vendeve dhe në funksion të paqes, stabilitetit dhe sigurisë rajonale e më gjerë.

Së bashku jemi gjithmonë më të fortë!

(Kosova Sot Online )