Lexoni edhe:
Qeveria e Kosovës urgjentit të përgatitet me strategji investive zhvillimore për ta parandaluar euforinë e migrimit në vitin e parë të liberalizimit
Qeveria zgjatë afatin për t’i rimbursuar qytetarët që tërhoqën 10-përqndëshin nga Trusti
Qeveria ka miratuar një vendim të ri lidhur me 10% të mjeteve nga fondi pensional (Trusti) të cilat rreth dy vjet më parë qytetarët u lejuan t’i tërhiqnin.
Ekzekutivi e ndryshoi vendimin e vitit të kaluar, që parashihte afatin për aplikim dhe fillimin e rimbursimit të mjeteve për ata që kishin tërhequr 10% të kursimeve në Trust. Ministri i Financave, Hekuran Murati, tha në mbledhjen e Qeverisë se kanë nevojë për më shumë kohë që ta kryejnë rimbursimin, raporton "Kosova Sot Online ".
“Në vendimin bazë ka qenë e paraparë që deri në fund të këtij viti të bëhej një platformë apo një formë aplikimi për personat që do të duhej të rimbursoheshin, sipas ligjit që parashihet. Megjithatë, meqenëse na duhet afat shtesë për këtë gjë, kemi kërkuar që afati të shtyhet deri në fund të qershorit të vitit të ardhshëm. Pra, edhe gjashtë muaj shtesë”, tha ai.
“Rimbursimi në formë të kompensimit për pjesëmarrësit të cilët i kanë tërhequr dhjetë për qind (10%) të kursimeve pensionale në Fondin e Kursimeve Pensionale të Kosovës, përcaktohet në çdo vit fiskal duke filluar nga viti 2023”, thuhet në vendim.
(Kosova Sot Online )
