Ferraj i VV-së: Barrikadat u hoqën pa u plotësuar asnjëra prej kërkesave të Vuçiqit

  • E.K /
  • 29 December 2022 - 14:05
Ferraj i VV-së: Barrikadat u hoqën pa u plotësuar asnjëra prej kërkesave të Vuçiqit

Hysamedin Feraj i VV-së ka thënë se barrikadat u hoqën pa u plotësuar asnjëra prej kërkesave të presidentit të Serbisë, Aleksandar Vuçiq, shkruan "Kosova Sot Online".

Feraj ka shkruar se barrikadat u larguan pa qenë i nevojshëm përdorimi i forcës as nga KFOR-i as nga Policia e Kosovës.

Feraj ka shkruar se ish-polici serb nuk është liruar ende nga akuzat, por vetëm i është ndryshuar masa e caktuar nga gjykata dhe se ky është një kusht që nuk është plotësuar.

Postimi i plotë:

Barrikadat u hoqën pa u plotësuar asnjëra prej kërkesave të Vuçiqit:

1. Lirimi i Pantiqit:

Pantiqi nuk është liruar ende as nga akuza as nga arresti, por vetëm iu ndryshua masa e arrestit (sigurisht e pazakontë për atë akuzë, por gjithsesi gjendet i arrestuar)

2. Themelimi i asocacionit

Asocacioni nuk është pranuar dhe nuk duken gjasat të pranohet ndesh kushtetutës së Kosovës.

Pra:

Pavarësisht mosplotësimit të asnjë kërkese të barrikaduesve, në fund barrikadat i hoqi ai që i kishte vendosur, A. Vuçiqi! Siç dhe kishte deklaruar qysh në fillim i dërguari amerikan G. Escobar.

Gjithashtu, barrikadat u vendos të hiqen pa qenë i nevojshëm përdorimi i forcës as nga KFOR-i as nga policia e Kosovës, siç dhe dëshirohej nga të dy këta.

Por këto zhvillime Serbia po i paraqet si fitore të Vuçiqit dhe humbje të Kurtit!

Kjo e fundit: wishful thinking?!

(Kosova Sot Online)