Fajon: Të gjendet një zgjidhje sa më shpejt, nuk duhet lejuar përshkallëzimi i situatës në Kosovë

Ministrja e Punëve të Jashtme të Sllovenisë, Tanja Fajon, ka deklaruar se duhet të zbatohet Marrëveshja e Brukselit dhe të formohet Asociacioni i Komunave Serbe, përcjell "Kosova Sot Online".

Fajon ka shtuar se Serbia dhe Kosova duhet të gjejnë një zgjidhje sa më shpejtë, në mënyrë që personat në Kosovë të kenë një jetë të sigurt.

Fajon gjithashtu tha se dialogu duhet të jetë i hapur, duke shpresuar që nuk do të ketë përshkallëzim.

“Gjëja më e rëndësishme është që të dyja palët të tregojnë një qëndrim konstruktiv dhe të gjendet një zgjidhje sa më shpejt që të jetë e mundur që do të sigurojë një jetë normale për të gjithë njerëzit në Kosovë, veçanërisht tani kur edhe njerëzit janë të frikësuar”, tha Fajon.

“Zbatimi i marrëveshjeve të dakorduara, kam parasysh që marrëveshja e Brukselit e vitit 2013 është e detyrueshme për të dyja palët”, tha Fajon.

“Duhet të ketë ambicie nga njëra anë dhe nga ana tjetër. Dialogu është i hapur. E di që Lajçak po punon dhe se ka një dialog të heshtur që është i rëndësishëm në këtë kohë. Shpresoj se do të kemi sukses, jo vetëm BE-ja por gjithë bashkësia ndërkombëtare, ka dhe disa të tjerë që janë në bisedime, shpresoj se do të gjejmë zgjidhje dhe nuk do të ketë përshkallëzim”, theksoi Fajon.

“Këtu nuk shtrohet pyetja nëse mund të vazhdohet. Duhet të vazhdohet, sepse në të kundërtën nuk do të kemi asnjë marrëveshje që do të jetë e mundur të zbatohet. Kjo do të thotë përkeqësim i marrëdhënieve mes dy vendeve, pra qytetarëve. që jetojnë atje. Prandaj mendoj se interesi është edhe tek të dyja palët dhe sigurisht edhe tek ndërkombëtarët, për të gjetur një zgjidhje që do të krijojë kushte për një jetë normale”, përfundon Fajon.

(Kosova Sot Online)