Osmani në takim me sekretarin e shtetit të Vatikanit
Në Vatikan me sekretarin e këtij shteti, kardinali Parolin, sot është takuar presidentja e Kosovës, Vjosa Osmani, transmeton gazeta "Kosova Sot Online".
Në këtë takim është diskutuar për raportet e Kosovës me Vatikanin.
“Në takim u diskutua mbi raportet e Kosovës me Selinë e Shenjtë, mbi kultivimin e paqes, harmonisë e bashkëjetesës në mes njerëzve e besimeve të ndryshme, mbi vlerat e përbashkëta, mbi promovimin e mëtejmë të lirive fetare, për rolin e Kishës Katolike në Kosovë si partner të rëndësishëm social, si dhe për thellimin e mëtejmë të bashkëpunimit në fusha të ndryshme”.
Të hënën, Osmani është pritur edhe nga Papa Françesku.
(Kosova Sot Online)