'Regjistrimi në zgjedhjet e 14 majit'/ PD dërgon në Kolegj Zgjedhor vendimin e KQZ-së dhe KAS
Partia Demokratike e përfaqësuar nga Kryetari Sali Berisha ka kundërshtuar në Kolegj Zgjedhor vendimin KQZ-së për mos regjistrimin e PD-së së përfaqësuar nga ish-kryeministri dhe vendimin e KAS për detyrimin e KQZ-së për regjistrimin e subjektit zgjedhor Partia Demokratike me nënkryetar Enkelejd Alibeaj.
Partia Demokratike e përfaqësuar nga Sali Berisha ka kërkuar nga gjykata:
1.‘Detyrimin e Komisionerit Shtetëror të Zgjedhjeve të ç’regjistrojë subjektin Partia Demokratike e regjistruar me nënkryetar Enkelejd Alibeaj, në cilësinë e kryetarit të komanduar’.
2.Regjistrimin e Partisë Demokratike të Shqipërisë të përfaqësuar nga Kryetari Sali Berisha si subjekt në zgjedhjet për organet e qeverisjes vendore të datës 14 maj 2023 dhe
3.Rregullimin e pasojave duke detyruar Komisionerin Shtetëror të Zgjedhjeve të përfshijë subjektin Partia Demokratike e Shqipërisë të përfaqësuar nga Kryetari Sali Berisha si pjesë e Koalicionit Bashkë Fitojmë, koalicion i regjistruar nga KSHZ me vendimn e tij të datës 18.03.2023..
(Kosova Sot Online)