Politikania serbe pretendon se u fut në Kosovë ilegalisht përmes malit
Politikania serbe, Milica Gjurvgjeviq Stamenkovski, ka publikuar një fotografi në platformën “X” duke pretenduar se ka hyrë brenda territorit të Kosovës përmes maleve, përcjell “Kosova Sot Online”.
Gjurgjeviq ka thënë se institucionet e Republikës së Kosovës ia kanë ndaluar hyrjen për vite me radhë duke e konsideruar si rrezik për “rendin kushtetues”, derisa pretendon se mbrëmjen e së premtes është futur përmes malit brenda territorit të Kosovës, konkretisht në fshatin Reçicë.
“Ata menduan që do të më ndalnin edhe sonte, por siç thash, kush e di synimin, e di rrugën, edhe nëse është përmes maleve. Përshëndetje nga fshati Reçicë”, ka shkruar ajo.
УШЛА САМ НА КОСМЕТ
— Милица Ђурђевић Стаменковски (@milicazavetnica) November 24, 2023
Годинама ми блокирају улазак на КиМ под изговором да им "нарушавам уставни поредак". За мене је важно да браним уставни поредак моје државе. Мислили су да ће ме и вечерас зауставити али као што сам рекла - ко зна циљ, тај зна и пут, макар био кроз шуму.… pic.twitter.com/FHzqoduH7D
(Kosova Sot Online)
