Policia njofton se ka konfiskuar një pistoletë me 19 fishekë dhe veturën që janë përdorur në rastin e vrasjes së Liridonës

Tre persona janë arrestuar dje nga Policia e Kosovës si të dyshuar lidhur me vrasjen e Liridona Ademaj, të mërkurën mbrëma në Prishtinë,  përcjell “Kosova Sot Online”.

Në mesin e të arrestuarve është bashkëshorti i saj, Naim Murseli, i cili dyshohet se ka paguar dikë për ta vrarë gruan tij.

Përmes raportit 24 orësh, Policia njoftoi se është gjetur dhe konfiskuar një pistoletë me 19 fishekë dhe një veturë që janë përdorur në krimin e rëndë.

“VRASJE E RËNDË -Rr. Dalip Alshiqi, Prishtinë 29.11.2023 – 20:18. Lidhur me rastin, janë identifikuar dhe arrestuar tre të dyshuar meshkuj kosovarë. Është gjetur dhe konfiskuar një pistoletë me 19 fishekë dhe një veturë që janë përdorur rast. Me vendim të prokurorit të dyshuarit janë dërguar në mbajtje”, thuhet në raport.

(Kosova Sot Online)