Konflikt për motive të dobëta mes vëllezërve në Çorovodë, njëri plagoset me thikë

  • E.k /
  • 02 December 2023 - 13:40
Konflikt për motive të dobëta mes vëllezërve në Çorovodë, njëri plagoset me thikë

Një ngjarje e rëndë ka ndodhur në Çorovodë, ku dy vëllezër janë zënë me njëri-tjetrin për shkak të një konflikti për motive të dobëta, ku ka dëmtuar me thikë vëllanë e tij, përcjell “Kosova Sot Online”.

Policia ka arrestuar 46 vjeçarin, ndërsa i plagosuri ndodhet në spital, ku është duke marrur ndihmën mjekësore dhe ndodhet jashtë rrezikut për jetën.

“Shërbimet e Komisariatit të Policisë Skrapar arrestuan shtetasin E. M., 46 vjeç, banues në Çorovodë, pasi mbrëmjen e djeshme, për shkak të një konflikti për motive të dobëta, ka dëmtuar me mjet prerës (thikë), vëllanë e tij, i cili po merr ndihmë mjekësore në spital dhe është jashtë rrezikut për jetën.”, thuhet në njoftimin e policisë.

(Kosova Sot Online)