Prishtinë: Në një biznes sekuestrohen mjaltë e shampon pa origjinë

Në një subjekt biznesi Policia e Kosovës në bashkëpunim me Inspektoratin e Tregut kanë gjetur e sekuestruar një sasi të konsiderueshme të mallrave (suplemente të ndryshme si; mjaltë për përdorime të ndryshme për potencë e të ngjashme, shampon të ndryshëm etj) pa origjinë, përcjell “Kosova Sot Online”.

Sipas raportit të Policisë së Kosovës ngjarja ka ndodhur dje

“Njësitet policore në koordinim e bashkëpunim edhe me Inspektoratin e Tregut nga MINT dhe njësitet e doganës, kanë realizuar një operacion policor gjatë të cilit në një subjekt biznesi kanë gjetur e sekuestruar një sasi të konsiderueshme të mallrave (suplemente të ndryshme si; mjaltë për përdorime të ndryshme për potencë e të ngjashme, shampon të ndryshëm etj) pa origjinë”, thuhet në raport.

Tutje bëhet e ditur se lidhur me rastin i dyshuari kosovar pas intervistimit është liruar në procedurë të rregullt.

Ndërsa, rasti është duke u hetuar.

(Kosova Sot Online)