Kryetari i Junikut për vdekjen tragjike të çiftit Totaj: Do t’i kujtoj si familje shembullore dhe si ndërmarrës të suksesshëm

  • E.k /
  • 25 December 2023 - 15:16
Kryetari i Junikut për vdekjen tragjike të çiftit Totaj: Do t’i kujtoj si familje shembullore dhe si ndërmarrës të suksesshëm

Kryetari i komunës së Junikut, Ruzhdi Shehu, ka reaguar pas lajmit tragjik për vdekjen e Mic Tofajt dhe bashkëshortës së tij, Fatlinda Maloku Tofaj  ku kanë humbur jetën tragjikisht në bjeshkët e kësaj komune, përcjell “Kosova Sot Online”.

Shehu i ka shprehur ngushëllime familjes Tofaj dhe Maloku për humbjen e papritur të më të dashurve të tyre.

Tutje, Shehu ka shkruar se do t'i kujtoj si familje shembullore që kanë qenë por edhe si persona me virtyte të larta njerëzore.

Reagimi i plotë:

Me dhimbje të thellë e pranuam sot lajmin tragjik për humbjen e parakohshme të Mic Tofaj dhe bashkëshortes së tij Fatlinda Maloku Tofaj.

Ngushëllime familjes Tofaj dhe familjes Maloku për humbjen e papritur të më të dashurve të tyre.

Micin dhe Fatlindën, Juniku do t’i kujtoj përgjithmonë si familje shembullore, mbi të gjitha si persona me virtyte të larta njerëzore por edhe si ndërmarrës të suksesshëm dhe junikas të cilët kanë kontribuar aq shumë për Komunën e Junikut.

Ruzhdi Shehu, Kryetar i Komunes se Junikut.

(Kosova Sot Online)