Vetëplagoset me armë zjarri në fshatin Mal Vilëz, 73-vjeçari transportohet me urgjencë në spital
Një 73-vjeçar është vetëplagosur sot me armë zjarri dhe për pasojë është transportuar në spital, ku po merr ndihmë mjekësore, përcjell "Kosova Sot Online".
Ngjarja ka ndodhur në fshatin Mal Vilëz, në Tiranë.
Policia ka sekuestruar armën e zjarrit në cilësinë e provës materiale.
Rasti lidhur me këtë ngjarje është duke hetuar.
Njoftimi i policisë:
“Tiranë/Informacion paraprak
Më datë 03.01.2024, rreth orës 12:50, në fshatin Mal Vilëz, dyshohet se është vetëplagosur me armë zjarri shtetasi Q. E., 73 vjeç, i cili si pasojë është dëmtuar dhe ndodhet në spital, nën kujdesin e mjekëve.
Shërbimet e Policisë kanë sekuestruar, në cilësinë e provës materiale, armën e përdorur nga 73-vjeçari.
Grupi hetimor ndodhet në vendngjarje dhe po punon për sqarimin e rrethanave të ngjarjes”, njofton policia.
(Kosova Sot Online)
