Kurti: Për rajonin, që të integrohet ekonomikisht dhe që qytetarët të afrohen, kërcënimet e sigurisë duhet të ndalen

Kryeministri i Kosovës, Albin Kurti, po merr pjesë në Samitin Ballkan Perëndimor-BE që po mbahet në Shkup, përcjell “Kosova Sot Online”.

Kurti ka thënë se që rajoni të përparojë dhe që njerëzit të afrohen me njëri-tjetrin, duhet që të ndalen kërcënimet e sigurisë.

Kurti ka theksuar se integrimi i thellë dhe rritja e lëvizjes së mallrave dhe njerëzve kërkon besim reciprok dhe raporte normale.

Tutje ka thënë se normalizimi i raporteve bazuar në njohje reciproke është çelësi për të zhbllokuar potencialin e rajonit të Ballkanit Perëndimor.

“Për rajonin, që të integrohet ekonomikisht dhe që qytetarët të afrohen, kërcënimet e sigurisë duhet të ndalen. Integrimi I thellë dhe rritja e lëvizjes së mallrave dhe njerëzve kërkon besim reciprok dhe raporte normale. Kjo s’mund të ndodh nëse liria për mallrat shfrytëzohet për lëvizje të armatimit apo për të financuar sulme terroriste. Normalizimi I raporteve bazuar në njohje reciproke mendoj se është çelësi për të zhbllokuar potencialin e rajonit dhe për të rritur mirëqenien e qytetarëve tonë. Anëtarësimi në BE është zgjedhje”, ka thënë Kurti.

(Kosova Sot Online)