“Do të vazhdojmë të dërgojmë ushtarë në Kosovë”

Ministri malazez i Mbrojtjes, Dragan Krapoviq tha se Mali i Zi do të ketë një prani të shtuar në pjesën lindore të aleancës së NATO-s, përcjell “Kosova Sot Online”.

“Ne do të kemi ushtarë në Letoni dhe Bullgari, por do të vazhdojmë të dërgojmë ushtarë në Kosovë dhe Irak. Sa i përket agresionit rus kundër Ukrainës, ne do të dërgojmë ushtarë në përputhje me detyrat e reja të NATO-s, “, tha ai në një konferencë të përbashkët për shtyp me admiralin Rob Bauer, Kryetar i Komitetit Ushtarak të NATO-s dhe Këshilltar për Çështjet Ushtarake të Sekretarit të Përgjithshëm të Aleancës, Jens Stoltenberg.

“Ne do të vazhdojmë të mbështesim të ardhmen evropiane të Ballkanit Perëndimor”, tha Krapoviq.

(Kosova Sot Online)