Elshani: Thasët me rërë llogore të grupeve terroriste në Veri, planifikonin të sulmonin Policinë nëse do t’i hiqte barrikadat

Zv.Drejtori i Policisë së Kosovës për rajonin e Veriut, Veton Elshani, ka treguar detaje lidhur me thasët me rërë që janë gjetur në katin e tretë të një objekti publik në komunën e Zveçanit, përcjell “Kosova Sot Online”.

Zv.Drejtori Elshani ka thënë se thasët janë përdorur si llogore për të sulmuar Policinë e Kosovës dhe për të mbrojtur barikadën dhe për të kontrolluar rrugën kryesore që çon për Zveçan.

“Policia e Kosovës ka pranuar informacione se ne një objekt publik ne komunën e Zveçanit, ka disa gjera materiale te cilat janë shfrytëzuar nga grupet terroriste serbe ne kohen e barrikadave.

Sot, gjatë kontrolleve që ka bërë policia ka konstatuar se në katin e tretë të kësaj ndërtese janë dhjetëra thasë te mbushur me rërë që kanë qenë si istikame për të sulmuar Policinë dhe në mbrojtje të barikades dhe kontrollimit të rrugës kryesore që të dërgon në Zveçan.

Ky objekt publik është shfrytezuar nga pjestarët e organizatave terroriste si Mbrojtja Civile dhe Brigada e Veriut”, ka potencuar Elshani.

Ai thotë se kjo tregon që grupet kriminale kanë qenë të armatosura rëndë dhe kanë pasur plane të sulmojnë Policinë e Kosovës nëse do të largonte barrikadat.

“Kjo është edhe një dëshmi se grupet kriminale kanë qenë të armatosur rend dhe kanë pasur plane që të sulmojnë Policinë e Kosovës në rast se ata do të tentonin ti largonin barrikadat”, ka thënë Elshani.

(Kosova Sot Online)