Mot pranveror këtë javë në Kosovë

Vendi ynë gjatë kësaj jave do të mbetet nën ndikimin e kushteve të qëndrueshme atmosferike dhe të masave të ngrohta ajrore, përcjell “Kosova Sot Online”.

Si rrjedhojë, moti do të karakterizohet me diell dhe vranësira të pakta, me përjashtim të ditës së dielë, ku pritet përkeqësim në kushtet e motit, e cila parashihet me vranësira të shpeshta dhe reshje lokale shiu.

Në aspektin termik, temperaturat do të mbesin mjaft të larta apo dukshëm mbi vlerat mesatare për këtë periudhë kohore.

Nga dita e hënë e deri të shtunën minimalet do të lëvizin prej -2 deri në 7°C, ndërsa ato maksimale prej 14 deri në 19°C.

(Kosova Sot Online)