Trump i ka mbijetuar kampanjës së koordinuar kundër tij

Shkruan: Michael Glassner

A snjë president amerikan nuk i ka mbijetuar vëllimit absolut të sulmeve dhe armiqësisë të cilin Donald Trump ka duruar, megjithatë ky president vazhdon të mbizotërojë mbi kritikët e tij. Fakti që Presidenti Trump ka qenë në gjendje të arrijë kaq shumë nga agjendat e tij, përkundër fushatës së koordinuar për ta sfiduar atë, është befasuese. Pa marrë parasysh mendimin tuaj për Donald Trump, suksesi i tij përballë një opozite të tillë të tërbuar është një testament i këmbënguljes dhe aftësisë së tij politike. Momenti që Donald Trump njoftoi kandidaturën e tij për president, media ia vizatoi një objektiv në shpinë. Të famshmit moralizues dhe gazetarët gjoja neutralë u tallën me kandidaturën e tij. Ata poshtëronin dhe ofendonin mbështetësit e tij. Ata njollosën privatësinë e familjes së tij. Asnjë prej këtyre veprimeve nuk ka funksionuar. Donald Trump ishte në gjendje që sulmet e kundërshtarëve të tij t'i përdorte kundër tyre, duke i kthyer ato në publicitet, derisa njollosjet e tyre në afirmim të origjinalitetit të tij. Trajtimi i tij i butë i kritikave të tyre i lejoi atij që ta ndryshonte panoramën politike amerikane dhe të fitonte garën më shqetësuese në historinë presidenciale. Gjyqtarët aktivistë kanë injoruar ligjin Sulmet e medieve vetëm sa u intensifikuan pasi Presidenti Trump mori detyrën. Gjatë dy viteve të fundit, rreth 90 për qind e mbulimit të mediave të lajmeve të presidentit ka qenë negativ. Në rastin tjetër, ka pasur rreth dy herë më shumë histori pozitive në lidhje me Presidentin Obama në vitin 2009. Përveç përhapjes së vazhdueshme të pjesëve të goditura në media, presidenti Trump po ashtu duhet të luftojë me ligjvënësit, gjyqtarët dhe burokratët e pazgjedhur, të cilët gjithashtu janë të angazhuar për ta parë atë duke dështuar, pavarësisht nga pasojat për amerikanët e zakonshëm. Që nga momenti kur Donald Trump u shpall fitues i zgjedhjeve presidenciale të vitit 2016, demokratët kanë hedhur teoritë e konspiracionit të egër rreth marrëveshjes së supozuar me bashkëpunëtorët e inteligjencës ruse. Personeli i fushatës së Hillary Clintonit shpiku këtë fantazi për të shpjeguar se si ata pësuan humbjen më të turbullt në historinë politike amerikane dhe zyrtarët e lartë të zbatimit të ligjit dhe burokratët e karrierës shpejt përqafuan këtë teori për të justifikuar hetimet shkatërruese dhe të hapura për të minuar administratën Trump. Ndërkohë, gjyqtarët aktivistë kanë injoruar ligjin për të ndihmuar grupet liberale të interesit të veçantë që të vonojnë dhe pengojnë madje edhe veprimet rutinë presidenciale, duke lëshuar një numër të paparë të vendimeve gjyqësore në mbarë vendin. Avokatët liberalë kanë bërë të pamundurën duke mbështetur gjyqtarët më anti-Trump dhe deri tani kanë arritur që këta gjyqtarë të pengojnë ndalimin e udhëtimit të presidentit Trump, politikën e tij të tolerancës zero për imigracionin e paligjshëm, heqjen e urdhrit jokushtetues të DACA-s, të presidentit Obama, si dhe refuzimin e Departamentit të Drejtësisë për t'iu dhënë 'qyteteve strehuese' para, të cilat Kongresi ua ndalonte në mënyrë specifike. Kohët e fundit, një gjykatës aktivist madje lëshoi një urdhëresë kundër diçkaje aq thelbësore sa rivendosja e një pyetjeje në formularin e regjistrimit të SHBA-së. Ka rinegociuar marrëveshjet e tregtisë së padrejtë Demokratët e zgjedhur nuk sillen ndryshe, duke e dëmtuar qeverinë me një ndalje (mbyllje), thjeshtë për inat të presidentit. Në Dhomë, demokratët kanë mbajtur qeverinë të mbyllur në vend që të financojnë llojin e pengesave kufitare që ata vazhdimisht mbështesnin përpara zgjedhjes së Presidentit Trump. Në Senat, demokratët bënë një spektakël të neveritshëm nga procesi i konfirmimit për gjykatësin Brett Kavanaugh, zgjedhja e mirënjohur e Presidentit Trump për të zëvendësuar gjykatësin Anthony Kennedy në Gjykatën Supreme, edhe pse kjo rrezikonte demokratët e pambrojtur të shtetit republikan që shkonin në zgjedhjet afatmesme të vitit 2018. Asnjë president tjetër nuk ka pasur kurrë të luftojë me sulme të tilla intensive nga kaq shumë drejtime të ndryshme. Presidenti Trump, megjithatë, iu ka mbijetuar sulmeve duke u qëndruar besnikë votuesve që e kanë zgjedhur atë, duke realizuar premtim pas premtimi pavarësisht nga rezistenca e madhe liberale. Presidenti Trump ka rindërtuar gjyqësorin federal duke emëruar gjyqtarë të zotuar për kuptimin e vërtetë, origjinal të Kushtetutës, duke përfshirë dy gjyqtarë të shkëlqyeshëm të Gjykatës Supreme. Ai ka rinegociuar marrëveshjet e tregtisë së padrejtë, ka kaluar shkurtimet historike të taksave dhe ka larguar rregulloret e panevojshme, duke krijuar ekonominë më të fortë dhe shkallën më të ulët të papunësisë në breza. Tani, ai po lufton për të bërë establishmentin e Uashingtonit që t'ia jap popullit amerikan murin e kufirit për të cilin ata votuan në vitin 2016. Establishmenti i D.C.-së ka përdorur çdo armë në arsenalin e tij kundër presidentit, por madje edhe pas dy vjetësh të plotë, kjo ende nuk ka qenë e mjaftueshme për ta ndaluar Donald Trumpin nga fitorja.

(Kosova Sot)