Albin, opozitarizmi është tjetër gjë dhe qeverisja ëshë gjë tjetër

Albin, opozitarizmi është tjetër gjë dhe qeverisja ëshë gjë tjetër

Skender Kapiti

  • 08 tetor 2019 - 11:43

Në demokraci, të jesh në opozitë dhe ta luash e ta bësh rolin e opozitës dhe të opozitarit është shumë e lehtë, por të qeverisësh është shumë e vështirë . Të gjykosh , të kritikosh dhe të kundërshtosh pushtetin , qeverisjen apo pozitën për korrupsion,dështime, mossuksese në luftën kundër korrupsionit; të luash rolin e e ndërshmërisë, përkushtimit dhe të ndjesisë dhe dhimbshurisë sociale dhe të marrësh flamurin e patriotizmit e nacionalizmit, dhe të premtosh ndryshime dhe qeverisje ndryshe nga qeverisja dhe pozita është shumë e lehtë.

Por kur vjen dhe merr pushtetin është shumë e vështirë që të mbahen artikulimet propagandistike publike politike, por është shumë e vështrirë që t’i realizosh premtimet dhe akumulimet e pakënaqësive publike për të cilat populli kryesisht ta beson votën.

Qeverisja është e vështirë sepse ajo të vë në provë dhe në përballje me realitetin , të vë në provë me ato që ke premtuar, që ke promovuar dhe që ligjëruar si opozitar dhe në fushatë elektorale. Në demokraci koha ecën shumë shpejt, 4 vite si maksimumi i mandatit qeverisës kalon shpejt dhe zhgënjimi popullor dhe dështimet në qeverisje provokojne edhe zgjedhje paramandatore, pra të parakohshme.

Qeverisja është e vështirë për faktin se do të kesh përballë një opozitë të “rreptë”, të korruptuar dhe që ka hipotekuar rekorde krimi e korrupsioni; opozitë e cila do të jetë shumë e papërmbajtur dhe “agresive”. Ajo do të jetë nihiliste dhe do të mundohet që ta pengojë e ta bllokojë sistemin, sundimin të ligjit, VETTING-un etj. Ajo kërkon të mbrojë privilegjet dhe përfitimet dhe synon rikthimin e saj të shpejtë në pushtet,pasi pushtetit ata ia kanë parë “hajrin” dhe nuk mund të rrinë pa të.

Qeverisja është e vështirë kur populli nuk ta ka dhënë mundësinë që të qeverisësh vetëm si parti, por me kualicion. Kujdes se qeverisjet me kualicion, kualicionet zakonisht nuk e kanë parësore mirëqeverisjen dhe as interesin publik , por atë të përfitimeve personale e partiake sic tregoi edhe keqqeverisja e PAN, kualicioni i cili u dëbua nga pushteti dhe u ndëshkua ashpër për këto arsye.

Kryetarët e partive të kualicionit nuk delegojnë në qeverisje për ministra, zëvëndës ministra, për drejtorë e të tjerë ata që duhet dhe më të mirët, por ata dërgojnë atje “agjentët”besnikë të tyre, të cilët edhe punojnë për ta minuar qeverisjen. Ata z. Albin nuk kanë parësore objektivat e përgjegjshmërisë dhe të shërbëtorit publik dhe as luftën kundër krimit e korrupsonit, por kanë korrupsionin dhe përfitimin.

Dhe nëse përpiqesh për t’i larguar atëhere do të përballesh me presionin e tërheqjes nga kualicioni i partnerëve të tij, duke kërcënuar me rënien e qeverisë. Qeverisja me kualicion është e prirur dhe e kërcënuar nga parapelqimet, nga krisjet e carjet dhe nga joqëndrueshmëria e josinqeriteti politik. Kualicioni, më i duhuri dhe me të i drejtë është ai me LDK-në, e cila ka për kryetar Isa Mustafën, por i cili ka bashkëqeverisur edhe me Hashim Thacin. Prandaj z. Albin shkurtimisht u mundova të arsyetoj se: është tjetër gjë opozitarizmi dhe tjetër gjë qeverisja.

(Koosva Sot Online)