Shko “pije” mollën, Isë!
Kimete Berisha
U bë mirë.
Albini vendosi ta pranoj fatin, të bëhet çka është 'shkruar' të bëhet.
Vendosi t'i numëroj ditët, le të del ku t'del.
Para karriges së zbrazur të Isa Mustafës, në tavolinë, e kish vendosur një lëng molle për mirëseardhje në qeveri... mollë, si mesazh i shëndetit, pavdekësisë, dijes, joshjes...dhe si simbol i 'frutit të ndaluar'.
Tash shko pije n'ta mbajt.
Kur molla është e bluar nuk është simbol i mëkatit të kompletuar, se mëkati nuk pihet po hahet.
Por nga 'molla' lind jeta.
E pa e 'hëngër' mëkatin, nuk bëhet qeveria.
Se Isa është veteran i mëkateve. Dhe e ka shansin ideal të pendohet.
Unë ia kisha vendos aty një lëng kastraveci (duke u bazuar në kuptimin spiritual të këtij perimi), dhe një patligjan, se kur patligjani iu prezantua Evropës, u quajt 'molla e dashurisë'.
Isa Mustafa s'i bëjke behane Rrahman Morinës e po i bën behane der' këtij djali.
Kurrë më për shtune e shtatqind vjet s'ka me pas shans as ëndërr me pa m'u bë president.
P.S. Shko 'pije' mollën se politician më bajat se ti nuk njeh historia shqiptare.
Isa është 'susta' e 'shtikerit' që e ndal dritën, Albini është 'susta' e ndërpresërit që e ndez dritën.
Qeveria do të ishte si vet jeta, terr dhe dritë.
Nata-Dita, Dita-Nata, Nata-Dita, loja ime e preferuar e fëmijërisë.
(Kosova Sot Online)