Kush janë problemi sot në Kosovë dhe Shqipëri?!

Kush janë problemi sot në Kosovë dhe Shqipëri?!
Kush janë problemi sot në Kosovë dhe Shqipëri?!

Skender Kapiti

  • 27 shkurt 2020 - 15:58

Sot në Shqipëri dhe Kosovë problemi janë Rama &Thaçi,

Kryeministri i Shqipërisë e mbrojti minishengenin edhe në vijimësi, edhe në Samitin e BERZH-it, të cilën ai e quan të sukseshem. Po kuptohet tashmë përfundimisht se “suksesin” e tij politik personal Kryeministri i Shqipërisë e ka të lidhur me interesat e Serbisë, sepse si minishengeni ashtu si dhe ndarja e Kosovës janë  qëllime dhe projekte serbe dhe që u shërbejnë interesave të Serbisë. Ka ardhur koha që politika kosovare të deklarohet drejtpërdrejtë se është kundër minishengenit dhe të marrë shëmbullin e kryeministrit të Shqipërisë i cili drejtpërdrejt e akuzon kryeministrin e Shqipërisë edhe për rastin e ndarjes së Kosovës kur ai deklaron se:

Më pas u ka mbetur edhe hapi final: “shkarkimi i Presidentit të Republikës së Shqipërisë, me porosi të UDB-së, për të zgjedhur një President me “Etikë” që të lobojë dhe të firmosë për ndarjen e Kosovës dhe për çdo projekt tjetër anti-kombëtar".

Më qartë për politikën kosovare nuk ka se ku të shkojë kjo akuzë e Presidentit të Republikës së Shqipërisë për Kryeministrin e Shqipërisë, kur Z. Meta përmend, del  dhe shprehet se, Presidenti Meta  është në mbrojtje të Kushtetutës së Shqipërisë dhe kundër çdo projekti tjetër antikombëtar,ku edhe coptimi apo korigjimi i kufijve mes Kosovës e Serbisë, si edhe minishengeni Rama-Vuçiç-Zaev janë projekte antikombëtare e thellësisht antiKosovë.

Pra  politika e Kosovës sot është në përballje me qëndrimin politik antiKosovë të Qeverisë aktuale të Tiranës. Plani serb për minishengenin ballkanik është në kundërshti edhe me vizionin politik të BE-së, është kundër linjës dhe vijës politike të saj, pasi ajo është një alternativë kundërintegruese për në BE. Kjo është një strategji e njohur serbe për ta mbajtur peng integrimin e Ballkanit në BE dhe për ta orientuar atë, pra edhe Shqipërinë dhe Kosovën nga Beogradi dhe indirekt nga Rusia. Asnjë prej vëndeve të BE-së as që e përmend minishengenin përveçse Rama e Vuçiçi.Është për t’u habitur se si ka mundësi që Bosnja dhe Mali i Zi, dy ish republika të ishJugosllavisë janë kundër minishengenit dhe e konsiderojnë atë si përpjekje për Serbinë e Madhe, apo per neoJugosllavinë dhe na del mbështetësi kryesor i saj Kryeministri i Shqipërisë Edi Rama, qëndrimi i të cilit është krejtësisht kundër orientimit të shqiptarëve nga BE-ja?!

Pra në këto kushte duhet të deklarohen hapur por edhe fuqishëm qeveria dhe politika, Kryeministri dhe Kryeparlamentarja e Kosovës kundër minishengenit të Ramës ashtu si Presidenti i Shqipërisë,Ilir Meta.

Pra Kryemistri i Shqipërisë përvecse është problem në Shqipëri, ku Shqipëia është futur në një krizë shtetërore, dhe se plani minishengen  është një plan antiShqipëri dhe antiKosovë , ashtu sikurse është edhe mbështetës i ndarjes së Kosovës.

Mirëpo Kosova, Qeveria Kurti dhe Parlamenti i pas 6 Tetorit 2019 ka edhe një  problem tjetër akoma më të madh, atë të përballjes me dëmet dhe pasojat që i kanë ardhur Shtetit të Kosovës nga ishkryeministri dhe presidenti i sotëm Thaçi, që me  Fusnotën e Janarit të vitit 2012 e cila faktikisht ishte një regres i madh kundër politikës së reciprocitetit me Serbinë,pasi ajo Fusnotë  i vendosi “kushte” Pavarësisë së shpallur me 17 Shkurt të vitit 2008.

Kosova, politika dhe qeverisja e sotme e Kosovës pashmangshmërisht do të përballet me pasojat e kësaj Fusnote, dhe  me marrëveshjet “sekrete” apo edhe me  ato të hapura si me Marrëveshjen për krijimin e Bashkësisë së Komunave serbe, me pasojat e idesë së ndarjes së Kosovës, autor dhe përgjegjsi kryesor i tyre është ishkryeministri dhe  Presidenti aktual, ashtu sikurse po ky është përgjegjsi kryesor  edhe për Demarkacionin me Malin e Zi dhe me Maqedoninë.Pra kuptohet që edhe për Hashim Thaçin parësore e mbi të gjitha është vetëm pushteti, interesi i tij personal mbi dhe kundër atij kombëtar, por që çuditërisht Kosova akoma e mban Presidentin, këtë keqbërës kombëtar.

Por që me siguri shqiptarët besojnë të Kurti dhe Osmani, pasi si Kryeministri Kurti dhe Kryeparlamentarja Osmani kanë qenë zërat më të fuqishëm kundër veprimeve e sjelljeve të Presidentit aktual të Kosovës; kanë qenë kritikët dhe opozitarizmi i vërtetë kundër të këqijave të pushtetit, korrupsionit e të tradhtisë. Opozitarizmi i tyre ka qenë një shërbim i madh  demokratik  e kombetar në mbrojtje të shtetit e të sovranitetit të Kosovës si dhe për faktin se që të dy janë të pastër, të pakorruptuar dhe as me rekorde korrupsioni e krimi, dhe as nuk mundet që askush t’i shantazhojë e as t’u bëjë presion sot, kur  ata janë në krye të Qeverisë dhe të Parlamentin si zgjedhja më e mirë që bëri verdikti i popullit me 6 Tetor 2019.

Populli heroik i Kosovës mbi 100 vite nuk iu nënshtrua kurrë krimit, barbarisë dhe genocidit serb, dhe sot popullin e Kosovës, shtetin Kosovar, integrimin e Kosovës dhe progresin e saj i mban peng Presidenti i saj?Por qytetarët e Kosovës presin por edhe pyesin se përse akoma të mos të deklarohen Albini dhe Vjosa për Presidentin e Kosovës ashtu sikurse veproi Presidenti i Shqipërisë, Ilir Meta për Kryeministrin Edi Rama? Pse nuk vepron akoma as Parlamenti që të marrë nismën për shkarkimin e tij, kur tashmë politikisht, publikisht e mediatikisht ai akuzohet për shkelje të Kushtetutës ne jo pak raste?

Duhet vepruar pasi shikoni se si Pesidenti i Shqipërisë i del në mbrojtje Kushtetutës duke ftuar popullin shqiptar në një protestë kundër tendencës për “grusht” shteti të Kryeministrit të Shqipërisë për kapjen e Gjykates Kushtetuese.Por me siguri që koha  është gjykatësi më i mirë, dhe koha patjetër që do t’ia bëjë gjyqin të pavërtetave, spekulimeve, korrupsionit por edhe pabesisë e tradhtisë.

Shkrimet në këtë rubrikë nuk shprehin qëndrimet e gazetës "Kosova Sot Online"