Për politikanët shqiptarë “demokracia” është liri për tradhti
Skender Kapiti
Për politikanët, kryepartiakët dhe pushtetarët shqiptarë demokracia për ta është liri dhe e drejtë për të mashtruar, gënjyer, vjedhur e tradhtuar; dhe prej tradhtisë askush prej tyre as nuk ka pësuar e as ndëshkuar, por pëkundrazi ata më së shumti kanë përfituar, sunduar dhe janë pasuruar. Tradhtia e tyre është pabesi, është mosmbajtje e fjalës së dhënë dhe e as të premtimeve.
Tradhti është kur mashtron dhe kur gënjen për të mashtruar popullin dhe publikun.
Tradhtia është imoralitet, amoralitet, demagogji, mosmirenjohje, hile, djallëzi dhe hipokrizi. Tradhtari bën tradhtinë për interesin e vet, duke bërë mirë edhe servilin si dhe punën e agjentit, shërbëtorit dhe të argatit te të huajt për të pasur strehë, siguri dhe mbështetje te ata dhe që ua shet tradhtinë si mburrje dhe si “imazh” e presion politik bashkëkombasve të vet.
Tradhtia politike është ajo e cila keqpërdor, shfytëzon dhe matrapazon e shet demokracinë,ligjin,drejtësinë, miqësinë dhe interesin e përgjithshëm, atë publik e kombëtar për interesin personal.
Tradhtia e politikanëve, kryetëparëve politik dhe të pushtetit por edhe e mediave,televizioneve dhe gazetave, gazetarëve, opinionistëve dhe e mercenaro-intelektualëve materialiste në Shqipëri sidomos, por edhe në Kosovë, përgjithësisht te shumica e tyre tradhtia është edhe servilizëm, nënshtrim dhe bindje ndaj vesit, paturpësisë, manipulimit, korrupsionit dhe ndaj pushtetit të së keqes për përfitime, pasuri, hajni, korrupsion e rehati.
Tradhtia e tyre është edhe injorancë por edhe inteligjencë dhe egoizëm bastard e negativ; është personalitet i njerezve me zhvillim psiqik të shtrembër, i njerezve shpirtlig dhe nihilistë.
Pra, tradhtia e politikës në pseudodemokracinë shqiptare është ajo që pjellë të gjitha poshtërsitë, është deri edhe edhe krim, edhe vjedhje. Tradhtia është arma efikase e politikës, dhe sidomos e shumicës dërrmuese e politikanëve, kryetëparëve të partive dhe pushtetarëve shqiptarë. Tradhtia e tyre është edhe shpifje dhe akuzë për tradhti kundër jotradhtisë, aftësisë, talentit e dhuntisë, kundër patriotizmit dhe ndershmërisë.
Tradhtia është pusi e zezë, intrigë, pritë dhe kurth i mjeranëve, frikacakëve dhe burracakëve. Tradhtia e politikaneve shqiptar në demokraci është dhe përdor e fshihet pas maskës së idealit, moralit, patriotizmt e përkushtimit servil e fals.Popujt të cilët e falin tradhtinë dhe politikën e tradhtisë vuajnë me meritë pasojat e tyre. Fatkeqësisht shqiptarëve nuk u janë ndarë tradhtitë, e sidomos tradhtia politike.
Shkrimet në këtë rubrikë nuk shprehin qëndrimet e gazetës "Kosova Sot Online"