Të zbatohen masa të ashpra ligjore për deputetë të pa edukatë, të pa kulturuar

Shkruan: Muhamet Kelmendi

“Ndalja më efikase e një fjalori të tillë banal që ka kohë se jemi mësuar ta dëgjojmë nga deputetët, do të duhej të bëhet me disa masa dhe mënyra të tjera: 1. Me Ligjin për Zgjedhje ku do të kemi listat e hapura te kandidatëve për deputet 2. Me luftën pa kompromis kundër krimit dhe korrupsionit, 3. Me nxjerrjen e Ligjit mbi VETTING dhe 4. Me sanksionimin e fyerjeve me ligj. Duhet thënë se pa masa të tilla nuk ka mundësi që të shërohet kjo gjendje krijuar në vend. E masat duhet të jenë politike dhe penale, përkatësisht ndëshkuese sikundër dhe ekonomike, duke konfiskuar pasurinë e pa mbuluar, sa do që është në këtë drejtim një proces i vështirë të realizohet, por detyrimisht e kemi obligim ta bëjmë”.

-Gjuha ofenduese në Kuvendin e Kosovës vjen si rrjedhojë e mungesës së dijes dhe të argumenteve në shprehjen e mendimit që e bënë deputeti. Natyrisht se është edhe një urrejtje që e thellohen akoma më shumë këtë situatë inatesh midis subjekteve politike që gjinden në Kuvend. Kryesisht kjo vjen nga pozitat e pushtetarëve dhe të raporteve të ndërtuara në vend. Por, duhet thënë se e tërë kjo varet dhe vjen prej interesave që thellohen, e që janë grupet e interesit që janë në pushtet. Interesat ekonomike janë të mëdha. Pasuria e pushtetarëve është e madhe. Dhe, natyrisht kjo shprehet me gjuhën e mbrojtjes, e cila është jo argumentuese, por denoncuese dhe denigruese. Kjo gjendje nuk mund të ndalet me ligj. Ligji ndikon në frikësimin e deputetëve në drejtim të humbjeve financiare që i janë dedikuar kuvendit për seanca dhe për komisione. Rezistenca është e madhe. Dhe, me njerëzit, si kryeprokurori i Kosovës, kurrë nuk do të ndiqet rastet e tilla. Do të kemi kryesisht raste të njerëzve për pa mbrojtur dhe jo të fortë në pushtet. Tamam sikundër vjedhësi i kashtës dhe i banesës. Dënohet vjedhësi i kashtës me burg, ndërsa vjedhësi i banesës jo. Kjo është aktualisht në Kosovë”.

Shkrimet në këtë rubrikë nuk shprehin qëndrimet e gazetës "Kosova Sot Online".