Të gjithë të barabartë para ligjit- qytetari, prokurori dhe gjyqtari!

Të gjithë të barabartë para ligjit- qytetari, prokurori dhe gjyqtari!
Të gjithë të barabartë para ligjit- qytetari, prokurori dhe gjyqtari!

Dardan Grapci

  • 20 qershor 2021 - 08:45

Shkruan:ANALISTI: Dardan Grapci

Qytetarët duhet të kenë shpresë  që pas ndryshimeve të fundit në legjislacionin për përgjegjësitë disiplinore të Prokurorëve dhe Gjyqtarëve , më lirisht të mbështeten tek gjyqtarët dhe prokurorët pa pasur frike nga shkelja e të drejtave të tyre, nga korrupsioni apo shantazhi,  siç ka ndodhur përpara, sepse me miratimin e këtij ligji , të gjithë do të trajtohen barabartë para ligjit, edhe qytetari, edhe prokurori por edhe gjyqtari.


Më në fund  është bërë një hap i madh përpara me miratimin e Ligjit për Përgjegjësit etike Disiplinore të Gjyqtarëve dhe Prokurorëve, ku  llogaridhënia dhe përgjegjësia për ushtrimin e detyrës do të sanksionohet me masa më të ashpra të adresimit deri në shkarkim-suspendim nga puna. Ky është një veprim që duhet përshëndetur për  efikasitetin e punës së ministrisë së Drejtësisë sepse me përgatitjen e legjislacionit të ri për sistemin e drejtësisë, përshpejtohet edhe reforma e shumë proklamuar në të kaluarën por asnjëherë e realizuar deri më tani. Ligji i ri do të ndikon detyrimisht që të e këndellen prokurorët dhe gjyqtarët e përgjumur e të ndikuar nga grupet e interesit, dhe do të ndikohet edhe në zbrazjen e sirtarëve të mbushur  me lëndë e raste të pa zgjidhura.


 Është po ashtu e pritshme që bazuar në këtë ligj të ri dhe sanksionet që  do të parashihen të pastrohen Gjykatat dhe Prokurorit e shtetërore nga ata të cilët kanë qenë në të kaluarën  të  lidhur ngushtë me ish-krimo politiken dhe mafiozët kosovar në kupolën e shtetit. 
Prandaj tash është  një moment i ri kur të gjitha mekanizmat shtetëror dhe ligjor duhet të ri-aktivizohen dhe të dalin në sipërfaqe, mbi tavolinë, të gjitha  rastet të cilat janë fshehur  në të kaluarën nga prokurorët dhe gjyqtarët të cilët ishin avokat të krimit të organizuar,  të rihapen ato raste dhe të shkojnë në ri  hetim apo  edhe rigjykim.


 Pas një skanimi të plotë të gjendjes në prokurori dhe gjykata të gjithë prokurorët e korruptuar dhe gjyqtarët duhet  të largohen nga puna dhe të dënohen sipas nivelit të përgjegjësisë, apo gjobiten rëndë  sipas ligjeve shtetërore. 
Prokuroret dhe gjyqtaret të cilët do të zgjidhen në të ardhmen duhet të jenë profesional në punën e tyre, krejtësisht të pa varur nga politika dhe grupet tjera të interesit,  duke ju dhëne kështu shpresë qytetarëve se drejtësia më në fund po zbatohet barasvlershëm për të gjithë. 


Nëse dikush tenton të luaj me ligjet dhe kushtetutën, të bëjë ndonjë devijim apo ndryshim në interes të ndonjë lidhje të caktuar kriminale, ose edhe për interesa vetanake  e në dëm të së drejtës ligjore, duhet të  arrestohet menjëherë dhe dënohet me afat maksimal të vuajtjes së dënimit me burg.  

Shkrimet në këtë rubrikë nuk shprehin qëndrimet e gazetës "Kosova Sot Online".