Zbulimi i armatimit të fshehur nga grupet kriminale në veri, me prioritet për Kosovën

Shkruan:ANALISTI-Naim Miftari

Nuk është sekret fakti që veriu është i mbushur me armë Serbe që nga qershori i vitit 1999,pas marrëveshjes së Kumanovës, në mes NATO-s dhe ushtrisë Serbe. Aso kohe të gjitha brigadat e motorizuara e ushtarake Serbe u tërhoqën të fundit përmes Veriut të Kosovës. Pra i gjithë potenciali ushtarak serb, diku rreth 80% të tyre janë tërhequr nga veriu i cili posa u vendos ushtria Franceze u ngadalësua qëllimisht dhe në veri mbetën armët në duart e kriminelëve Serbë të mbledhur nga tërë Kosova me qindra mijëra armë!

Lexoni edhe:

Namazi i 'Kurban Bajramit' është falur në orën 5:34

Mos të harrojmë se nuk është sekret që edhe në disa mbledhje në mes ndërkombëtarëve dhe strukturave civile kriminale serbe, të cilat kishin mbështetjen e shërbimit sekret Francez DGSE do të thotë të ushtrisë Franceze, Serbet ka pasur rast të armatosen, kur edhe kriminelin Serb Oliver Ivanoviqi me serbet tjerë i kanë kërcënuar administratorët e huaj se do ta rrafshonin Mitrovicën me mortaja 120 mmm, po nuk u plotësua kushtet serbe dhe po u hap ura e Ibrit për Shqiptarët! Armët ushtarake edhe pas luftës edhe sot i mbanin në Kisha , në spitale e ambullanta, në Varreza dhe armët që ju duheshin ti përdorin i mbanin nëpër pusete të kanalizimeve të caktuara dhe shtëpi të braktisura ose të djegura. Kurse kur ka ndodhë rasti për shembull KFOR-i Danez ka konfiskuar armë të Serbëve në një mëhallë urbane apo fshati serb pas luftës, shteti, shërbimi sekret...

UDB dhe MUP-i Serb në bashkëpunim me forcat franceze, KFOR-i francez, do të mundeshin të sillnin armë tjera që do ta zëvendësonin konfiskimin e armëve që ju bëri KFOR-i Danez. Në atë kohë një AK47 kushtonte 35 marka, e më vonë 50 euro për Serb. Do të thotë se bandat serbe dhe strukturat shtetërore kriminale serbe kurrë nuk e kanë pasur problem sjelljen e armatimeve, të dërgesave të reja për strukturat kriminale Serbe sidomos në veri. Bashkësisë Ndërkombëtare, NATO-s, UNMIK-ut nga G2 i UÇKTMK-së, Policisë,SHIK- u ju kemi dërguar me qindra mijëra raporte të sakta, deri edhe me foto dhe lokacione se ku po i mbajnë të fshehta armët bandat serbe, por ushtria franceze e cila hapur mbante anën serbe nuk ndërmerrte veprime as nuk lejonte të ndodhte asgjë. Kurse armët e tanishme që po gjenden i kanë sjellë njerëzit e UDB-së, BIA, kohë pas kohe përmes Zheravnices dhe të Manastirit të Banjskës, sigurt me bashkëpunim të ngushtë me KFOR-in hungarez. Sipas informacioneve tona me një grup eprorësh të KFOR-it Hungarez disa herë me kamionë të KFOR-it kanë sjellë armë pastaj janë shpërla herë me vetura Ambulancash, e herë me vetura të policisë së Kosovës në Veri, pasi policët serb në veri ishin shumica ish kriminelë të rojeve të urave dhe llogari i jepnin Beogradit, edhe pse uniformën dhe rrogën e merrnin nga Prishtina, nga ish qeveritë e korruptuara që lejonin dhe planifikonin disa edhe ta ndanin veriun e Kosovës me Serbinë. Kjo politikë e ndyrë e kontrabandës, tradhtisë e drogës, cigareve, naftës... ka funksionuar për mrekulli nga qershori i vitit 1999 deri në vitin 2021 kur u zgjodh qeveria e 51% e Albin Kurtit, e cila kishte edhe shumë sabotime nga brenda të organizuara nga Ish pushtetarët e korruptuar të pasluftës si nga PDK-LDK dhe nga AAK-AKR dhe nga lista Serbe.

Sabotohej Qeveria e Kosovës nga krimi i organizuar i lidhur ngushtë me politikë, si për shembull sabotohej në institucionet kryesore të sigurisë dhe ligjit: si policia, dogana, gjyqësia, AKI...por gjërat, megjithatë tani kanë filluar të bien në vendin e duhur edhe pse Qeveria Kurti akoma nuk ka arrit ta pastroj mirë policin,gjyqësorin, prokurorin dhe AKI- in. Kosova sa i përket sovranitet ton në veri dhe për sundimin e ligjit nuk duhet ti pyet gjithmonë ndërkombëtarët, vetëm sa për të jua plotësuar dëshirat atyre. Kemi vërejtur shumë herë se madje shumica e atyre që ne i konsiderojmë miq ndërkombëtar, ata po jua mbajnë anën serbëve duke harruar se Kosova është shtet sovran.

Shkrimet në këtë rubrikë nuk shprehin qëndrimet e gazetës "Kosova Sot Online".