Çfarë janë “dritat blu” që po shfaqen në disa shtete, shpjegojnë ekspertët

Meksikanët kishin frikë se fundi ishte afër pasi “shpërthimet e dritave blu”, u panë duke u manifestuar në qiell pas tërmetit të fuqishëm në vend.

Sipas medieve të huaja, tërmeti me madhësi prej 7.0 goditi qytetin e Acapulco të mërkurën, duke lënë të vdekur një person; derisa shkaktoi dëmtimin e ndërtesave, gjithashtu rrëshqitje dheu që mbulonin një autostradë kryesore.

Banorët dolën jashtë objekteve derisa këto u lëkunden nga dridhjet e tërmet, mirëpo emocionet e tyre u tronditën më tej nga dritat blu, të cilat u shfaqën në qiell.

Përdoruesit e Twitter publikuan video të fenomenit duke përdoru hashtagun #Apocalipsis, termi spanjisht që do të thotë apokalips.

Sidoqoftë, ekspertët thonë se nuk ka asgjë për t’u frikësuar pasi kjo dukuri natyrore nuk është një shenjë që dita e kiametit është afër.

Fizikani i Universitetit Rutgers, Troy Shinbrot, shpjegoi se “nëse do të ndodhte, apokalipsi do të kishte ndodhur një mijë vjet më parë kur kjo u zbulua për herë të parë”, pasi pamja interesante është regjistruar historikisht dhe ndodh “rregullisht”.

Disa shkencëtarë besojnë se shpërthimi i dritës, ose shkëlqimi, është shkaktuar nga fërkimi i shkëmbit pranë kores së Tokës, që lëshon energji në atmosferë. Blici i dritës prodhohet pranë sipërfaqes së planetit.

Në anën tjetër, Sizmologu i Universitetit Autonom Ndërkombëtar i Meksikës, Victor Manuel Cruz Atienza, thotë se qielli në natën e tërmetit ishte plot me shumë aktivitete elektrike nga një stuhi shiu.

https://www.youtube.com/watch?v=ndhLCm-ZvyQ&feature=emb_title

(Kosova Sot Online)