VEZË ME MAZË
PËRBËRËSIT:
10 vezë,
5 lugë mazë,
2 dcl ajkë,
50 gr gjalpë,
3 lugë galetë,
1 lugë majdanoz të grimcuar.
Vezët e ziera fortë priten për së gjati përgjysmë. U largohen të verdhat, të cilat shtypen, përzihen me mazë, majdanoz dhe mbushen të bardhat e vezëve me këtë masë. Në enë qelqi të rezistuar në zjarr, shkrihet gjalpi, radhiten vezët, u hidhet ajkë dhe spërkaten me galetë të fërguar. Futen në furrë të nxehtë me temperaturë 220 gradë C, për t’u pjekur 10 minuta. Mund të shërbehen si paragjellë e nxehtë ose e ftohur me kaçkavall, proshutë, qepë të reja dhe sallatë të gjelbër.
(Kosova Sot)