Receta e Cekës: Patate të mbushura

  • 04 qershor 2020 - 07:00
Receta e Cekës: Patate të mbushura

Patatet qërohen dhe zihen pak në ujë të njelmët. Orizi zihet në ujë të njelmët 10 minuta, pastaj kullohet mirë. Patatet gjysmë të ziera kullohen dhe me lugë thellohen (përgatiten për mbushje). Qepët fërgohen sa të zverdhen, shtohen mishi, kripa dhe piperi.

Masa ftohet, i shtohen një vezë e tundur, orizi gjysmë i zier dhe majdanozi. Me këtë yç të përzier mirë, mbushen patatet, të cilat vihen në enë të lyer me yndyrë. Në çdo patate vihet nga një copë e vogël mazë, kurse maza e mbetur përzihet me vezë e qumësht dhe hidhet mbi patate. Gjatë pjekjes, patateve u hidhet nga pak supë në mënyrë që ato mos të thahen. Shërbehet me salcë beshamelli më të dendur.

PËRBËRËSIT:

• 1 kg patate, • 1/2 kg mish të bluar ose të prerë imët, • 2 qepë, • 2 thelpinj hudhre, • 1 vezë, • 1 gotë ajkë, • qumësht, • 1 katrorkë për supë, • kripë dhe mëlmesa sipas dëshirës. 

(Kosova Sot Online)