Pesë lëngje të gjelbra për humbje në peshë
Me përbërësit e tyre që i shkrijnë kaloritë, këto lëngje të gjelbra janë të hatashme për humbje në peshë dhe shmangin mbajtjen e lëngjeve të tepërta nga trupi
Lëngu me kivi, spina dhe marule
Kombinimi i këtyre përbërësve në këtë lëng të gjelbër trupit tuaj i ofron sasi të madhe me fibra dhe antioksidues për të promovuar humbjen në peshë.
Përbërësit:
1 kivi,
5 gjethe spinaqi,
3 gjethe të marules,
1 gotë ujë (200 ml).
Përgatitja:
Së pari, qëroni kivin e shtypni dhe e futni në blender bashkë me spinaqin, marulen dhe ujin.
Përzieni derisa të keni një masë homogjene dhe e shërbeni menjëherë.
Mënyra e konsumimit:
Pini këtë lëng në stomak të thatë së paku tre herë në javë.
Lëngu me ananas, trangull dhe spinaq
Paketuar me enzima tretëse dhe antioksidues, ku lëng është mënyra e mirë për ta promovuar humbjen në peshë dhe të lëngjeve.
Përbërësit:
2 rriska ananas,
½ e trangullit,
4 gjethe spinaqi,
1/2 e mollës,
1 gotë ujë (200 ml).
Përgatitja:
Copëtoni përbërësit dhe i përzieni me një gotë me ujë.
E shërbeni menjëherë.
Mënyra e konsumimit:
Këtë lëng ta pini në stomak të thatë dhe prisni rreth gjysmë orë para se të filloni me kafjallin.
E konsumoni tri herë në javë.
Lëngu me karotë, marule dhe brokoli
Perimet janë në qendër të vëmendjes të këtij lëngut të gjelbër që jua sjellim më poshtë.
Përbërësit:
½ e karotës,
3 gjethe të marules,
1 copë brokoli,
2 kërcej selino,
1 gotë lëng portokalli (200 ml).
Përgatitja:
Qëroni dhe copëtoni karotën dhe e shtoni në blender bashkë me përbërësit e tjerë.
Procedoni derisa të fitoni një përzierje homogjene.
Mënyra e konsumimit:
E pini bashkë me kafjallin.
Provojeni për dy javë prisni një javë dhe e përsërisni.
Lëngu me trangull, selino dhe mollë
Ky lëng i shijshëm me ngjyrë të gjelbër përmban shumë vitamina, minerale dhe antioksidues.
Përbërësit:
½ e trangullit,
3 kërcej selino,
1 mollë të gjelbër,
½ e gotës ujë (100 ml).
Përgatitja:
Copëtoni të gjithë përbërësit dhe i përzieni bashkë me gjysmë gote me ujë.
Mënyra e konsumimit:
E pini në stomak të thatë pasdite, 2-3 herë brenda javës.
Lëngu me limon, majdanoz dhe spinaq
Kjo recetë e lëngut të gjelbër kombinon perimet që kanë veti pastruese dhe kundër inflamacioneve që janë ideale për ta kompletuar dietën për humbje në peshë.
Përbërësit:
Lëngun e 1 limonit,
5 degë majdanoz,
6 gjethe spinaqi,
1 kërcell selino,
½ e trangullit,
1 lugë xhenxhefil të bluar (5 g),
1 gotë ujë (200 ml).
Përgatitja:
Shtrydhni lëngun e limonit dhe e shtoni në blender bashkë me përbërësit e mbetur.
Procedoni derisa të fitoni një lëng.
Mënyra e konsumimit:
E pini këtë lëng në stomak të thatë, tri herë në javë.
(Kosova Sot)
