Dieta për të punësuarit

04 December 2017 - 23:37

Dieta për të punësuarit ka një qëllim. Nëse nuk keni kohë për të përgatitur shujta të veçanta apo nëse keni orar të punës që ndikon në mënyrën e përgatitjes? Kjo është rruga juaj deri te linjat tuaja të dëshiruara. Dietën ta mbani gjatë ditëve të punës, e në fundjavë trajtoni veten më së miri, qeraseni me një ëmbëlsirë.

SHEMBULLI I MENYSË: E hënë: Kafjalli: 1 banane dhe 2 kivi. Dreka: makarona me perime - 70 gramë makarona, 50 gramë lulelakër, 50 gramë brokol, 1 karotë, 1 spec të kuq. Darka: 250 gramë rriska mishi të shpezëve nga skara dhe 300 gramë kërpudha në avull.

E martë: Kafjalli: 2 dl lëng karote, 2 rriska bukë të zezë integrale, 20 gramë djathë të lopës. Dreka: sallatë pemësh dhe salsiçe (50 gramë karota, 50 gramë bizele dhe 100 gramë salsiçe të ziera). Darka: perime të copëtuara - 1 patëllxhan, 1 qepë, 1 kungulleshkë, 2 domate, 1 lugë vaj ulliri.

E MËRKURË: Kafjalli: 1 pjekurinë, 1 lugë marmelatë dhe çaj pa sheqer; Dreka: sallata nga mollët dhe patatet; Darka: 1 pjatë supë, 200 gramë file skumbri, 100 gramë karota të ziera.

E ENJTE: Kafjalli: 1 gotë lëng dredhëzash, 200 gramë dardha; Dreka: 1 bio-pjekurinë, 100 gramë tranguj turshi, 100 gramë file gjoks pule; Darka: 100 gramë oriz integral, 200 gramë panxhar. E

PREMTE: Kafjalli: 250 gramë ananas; Dreka: sallatë me vezë dhe perime - 100 gramë speca të gjelbër, 50 gramë bizele, 50 gramë misër, 1 domate dhe 1 vezë të zier; Darka: 100 gramë filet skumbri me lëng limoni dhe piper, dhe bizele - 200 gramë.

PËRPARËSITË E DIETËS Përgatitja e lehtë e shujtave. Llojllojshmëria e menysë ofron mjaftueshëm proteina, karbohidrate, vitamina dhe substanca të tjera të dobishme. Është mënyrë e mirë për të gjithë ata që punojnë, të kanë një regjim të shëndetshëm të ushqimit e në fundjavë mund të hanë atë që ju ka munguar ditëve të punës.

MANGËSITË E DIETËS Mangësia e kësaj diete është se do ta keni paksa të vështirë që të furnizoheni me të gjitha ushqimet e nevojshme. Mund t'i zëvendësoni disa ushqime, por le të jenë të ngjashme si dhe të ketë vlerë të përafërt kalorike.

(Kosova Sot)