Kafeja e mëngjesit, kundër dhimbjeve
Shkencëtarët nga universiteti në Oslo kanë ardhur në përfundim se adhuruesit e kafeinës më lehtë u bëjnë ballë obligimeve në punë, sidomos punës me kompjuter. Ata që e pinë kafenë e mëngjesit më pak vuajnë nga dhimbjet në qafë dhe në nyja.
Shumica nuk mund ta fillojnë ditën pa këtë pije të ngrohtë, sepse mendojnë që aroma e ngrohtë e kafesë mund t'i kthjellë. Është interesante që studiuesit nga universiteti në Oslo kishin ardhur në përfundim se ata që pinë kafe janë më të fortë.
Arsyeja fshihet në kafeinë, e cila gjendet edhe në ilaçet kundër dhimbjeve. Mirëpo, konsumimi i tepërt mund të shkaktojë pagjumësi dhe ankthe, prandaj duhet ta zbuloni mesin e artë dhe të mos e teproni.
(Kosova Sot Online)