“Për një trup perfekt”, çfarë duhet të hani dhe çfarë të shmangni gjatë dietës “Keto”

  • 25 September 2019 - 17:39
“Për një trup perfekt”, çfarë duhet të hani dhe çfarë të shmangni gjatë dietës “Keto”

Respektimi i dietës “Keto” është një nga ato gjëra që më e lehtë është ta thuash sesa ta bësh. Duhet guxim për ta bërë këtë.

Zakonisht, arsyeja pse njerëzit kanë vështirësi për ta mbajtur këtë dietë është se nuk kanë informacionin e duhur në lidhje me ato që duhet dhe nuk duhet të hanë.

Më poshtë do t’ju tregojmë ç’duhet të hani apo të shmangni në tabelën tonë të ushqimeve “Keto”.

Grupet bazë të ushqimit

Si rregull i përgjithshëm, ju duhet t’u përmbaheni grupeve të mëposhtme ushqimore:

Yndyrnat dhe Vajrat – Yndyrnat janë një nga përbërësit thelbësorë të dietës me pak karbohidrate. Ato do të sigurojnë energjinë që trupi juaj përdor në vend të karbohidrateve. Përpiquni t’i merrni yndyrnat natyrale nga mishi dhe arrorët.

Perimet – Përqendrohuni te perimet jeshile, me gjethe. Nuk është e rëndësishme nëse ato vijnë drejtë e nga toka apo nga frigoriferi i supermarketit.

Proteina – Meqenëse mishi është praktikisht pa sheqer, është një burim i shkëlqyeshëm i proteinave. Thjesht mos e teproni.

Bulmet – Shumë njerëz ngatërrohen kur vjen puna te bulmeti sepse blejnë artikuj jashtëzakonisht të përpunuar. Përdorimi i djathrave tradicionalë dhe qumështi me yndyrë të plotë ju siguron se po i përmbaheni dietës.

Arrorët – Arrorët janë një burim i mirë i yndyrnave natyrore. Bajamet dhe makadamiat janë veçanërisht të dobishme.

Pijet – Më mirë nëse pini vetëm ujë. Nuk është joshës, por punën e bën.

1.Yndyrnat dhe Vajrat

Kini parasysh se në këtë stil jetese do të kaloni nga përdorimi i karbohidrate si burim i energjisë në përdorimin e yndyrnave. Këtu është një përmbledhje e shkurtër e llojeve të ndryshme të yndyrës, cilat janë të mira për rutinën tuaj dhe cilat nuk janë.

Yndyrnat e ngopura – Të mira. Burimet përfshijnë gjalpin, sallon dhe vajin e kokosit.

Yndyrnat e pangopura – Të mira. Burimet përfshijnë vajin e ullirit dhe avokadon.

Yndyrnat e poli-pangopura – Të mira dhe të këqija. Burime të mira përfshijnë peshkun dhe proteinat shtazore. Burimet e këqija përfshijnë margarinën.

Yndyrnat trans – Të këqija. Shmangeni si murtajën.

Shënim: Çdo vaj bimor duhet të jetë presuar në të ftohtë.

2.Perimet dhe frutat

Këtu nuk ka mistere. Kryesisht përpiquni të hani perimet me gjethe jeshile, veçanërisht ato më të errëtat si spinaqi dhe kale. Kufizoni përdorimin e bimëve të mëposhtme:

Qepë, hudhër, kërpudha, majdanoz, kungull, domate, speca dhe patëllxhanë.

Mjedër, boronica, manaferra, limon, lime dhe portokall.

Ushqimet me niseshte si patatet dhe bananet duhet të shmangen plotësisht.

3.Proteina

Me proteinat do të duhet të jeni të kujdesshëm sepse, megjithëse janë të rëndësishme, shumë prej tyre mund të prodhojnë sasi të tepërt të glukozës. Moderimi është çelësi. Këtu janë disa burime të shkëlqyera të proteinave për tabelën tuaj të ushqimeve keto:

Peshku – Peshku i yndyrshën është një plus. Toni, trofta, salmoni, merluci, skumbri, shtojzë, etj.

Butakët – Gjithçka është e mirë në këtë grup. Megjithatë, me moderim.

Vezë – Të ziera, të copëtuara. Të rrahura vetën nëse përdorni vajin e duhur për skuqje.

Mish viçi – Zgjidhni copat më me shumë yndyrë dhe kini kujdes se me çfarë i gatuani.

Derri – I freskët është i mirë. Proshutat dhe produktet e tjera të përpunuara nuk duhet të përdoren.

Shpendët – Përsëri, shpezët e freskëta janë të shkëlqyera. Produktet e përpunuara të shpendëve si copat e pulës nuk janë të rekomanduara.

Të brendshmet – Nuk janë të preferuara nga kushdo, por një burim i shkëlqyeshëm i vitaminave.

4.Bulmet

Bulmeti është një problem i mundshëm pasi shpesh përpunohet jashtëzakonisht shumë. Duhet ta kufizoni konsumimin e qumështit në ushqime organike ose të papërpunuara si:

Gjizë, krem djathi, salcë kosi etj.

Djathëra të fortë si parmezani, feta, zviceran (jo ato të përpunuarat) dhe çedari.

Ajkë e rrahur dhe kos grek.

Majonezë (në moderim) dhe alternativa që përfshijnë qumështin (por jo sheqer ose shtues të tjerë).

Bulmeti shpesh është arsyeja pse njerëzit nuk ia dalin ta mbajnë dietën keto. Është thelbësore që të qëndroni larg produkteve të përpunuara të qumështit dhe që, kur konsumoni bulmet, ta konsumoni në mënyrë të moderuar.

5.Arrorët

Ashtu si qumështi, arrat dhe farat janë një qese e përzier. Disa janë një burim i mirë i yndyrnave natyrore që ju po kërkoni, dhe disa duhet të shmangen plotësisht, sepse ato kanë përmbajtje të lartë të karbohidrateve. Këtu keni një listë të arrave dhe farave që duhet të përfshini dhe të shmangni në tabelën tuaj të ushqimeve keto:

Të mira – Arra yndyrore me pak karbohidrate si makadamiat, arrat braziliane dhe pekan.

As po, as jo – Arra yndyrore me karbohidrate të moderuara, si bajame, kikirikë, fara pishe dhe arra.

Shmangni – Arra me përmbajtje të lartë karbohidratesh si kashjut dhe fistikët.

6.Pije

Dehidratimi është diçka nga e cila duhet të mbroheni gjithmonë kur jeni në dietë me pak karbohidrate sepse ka një efekt diuretik natyral. Si e tillë, nuk ka asnjë justifikim për të mos pirë shumë ujë çdo ditë. Çdo tabelë me reputacion e ushqimeve keto duhet të insistojë në tetë gota uji në ditë. Disa do të rekomandojnë pothuajse 4 litra ujë në ditë. Nuk e dimë nëse do të shkonim kaq larg, por tetë gota duhet të jenë minimumi. Këtu janë disa pije të tjera që zakonisht janë në rregull me stilin e jetës keto:

Kafe – Sigurohuni që nuk është në formën e atyre bustinave të gatshme pasi ato janë 80% sheqer.

Çaji – Nuk ka asgjë të keqe me një filxhan çaji të zi ose jeshil. Thjesht mos përdorni sheqer.

Pijet e gazuara dietike- Asgjë e keqe me to në parim dhe nëse përdoren me moderim. Ajo çfarë mund ta përkeqësojë situatën është fakti se ndonjëherë shkakton neps për sheqer.

Qumështi i arrës së kokosit – Versionet e paëmbëlsuara janë në rregull. Edhe qumështi i bajames.

Pijet alkoolike – Ne nuk do të mbrojmë pirjen e skoçit pas çdo vakti, por një gotë herë pas here është në rregull. Birra, megjithatë, është një makth karbohidratesh dhe duhet të shmanget.

Si të përballojmë nepsin…

Kur të filloni së pari, me siguri do të ndikoheni nga nepsi për ushqime të ndryshme në përgjithësi dhe nepsi për sheqer në veçanti. Nepsi për ushqimet e zakonshme mund të vijë si rezultat i mungesës së ushqyesve, kështu që mund t’ju duhet të bëni një punë më të mirë për rregullimin dhe balancimin e konsumit tuaj dietik. Nepsi për sheqer është i pritshëm kur ndaloni së ngrëni sheqer. Do t’ju duhet të bëheni të fortë. Nepsi do t’ju kalojë pas disa ditësh mbajtje regjimi keto.

(Kosova Sot Online)