Çfarë ndodh në trupin tuaj nëse pini qumësht me shafran para se të flini

Qumështi i artë është ai që e përftoni nëse përzieni gjysmë luge pluhur shafran dhe një filxhan qumësht. Kjo pije mund të bëjë mrekulli në trupin tuaj ndërsa flini paqësisht. Nëse e pini atë çdo ditë, ai mund të forcojë sistemin tuaj imunitar, të pastrojë trupin tuaj përmes mëlçisë, dhe madje mund të ndihmojë në parandalimin e kancerit.

Ja përfitimet që merrni nëse vendosni ta bëni këtë një rutinë në jetën tuaj.

Do të detoksifikojë mëlçinë tuaj.

Është vërtetuar se shafrani i Indisë është i dobishëm për mëlçinë. Në trupin tuaj, ai do të veprojë si një pastrues dhe do të parandalojë akumulimin e acidit yndyror në mëlçi. Kjo është arsyeja pse qumështi me shafran do të përmirësojë aftësinë e mëlçisë tuaj për të përpunuar rregullisht ushqime dhe kimikate dhe për të larguar ato substanca që nuk ju nevojiten. Në këtë mënyrë ju do të pastroni trupin tuaj.

Zvogëlon inflamacionin në trupin tuaj.

Përbërësi kryesor i shafranit është një substancë e quajtur kurkumina, e cila ka veti anti-inflamatore për të trajtuar inflamacionet e zakonshme, si dhe kushte më të rënda si artriti, sëmundja inflamatore e zorrëve, pankreasi, etj. Pasi të keni pirë një gotë “qumësht të artë”, kurkumina e pranishme në pije do të bllokojë enzima të caktuara që lejojnë inflamacionin në trupin tuaj, duke zvogëluar sasinë e ënjtjes që keni.

Trupi juaj do të bëhet më i mirë në luftimin e baktereve.

Studimet kanë treguar që shafrani i Indisë ka veti antibiotike që luftojnë kundër baktereve, viruseve dhe kërpudhave – duke e bërë atë një aleat të shkëlqyeshëm për të trajtuar të ftohtin dhe dhimbjet e fytit.

Do të pajisni trupin tuaj për të luftuar kancerin.

Shafrani i Indisë vepron si një antioksidant i fortë brenda jush. Hulumtimet tregojnë se shafrani i Indisë mund të zvogëlojë stresin oksidativ që prodhon radikale të lira brenda trupit tuaj, të cilat mund të shkaktojnë sëmundje kronike siç është kanceri. Por jo vetëm që parandalon kancerin, por gjithashtu mund ta luftojë atë. Një studim i ri sugjeron që kur konsumoni shafran Indie, mund të eliminoni qelizat kancerogjene duke ndihmuar në ndalimin e rritjes së tumoreve.

Do të filloni të humbni yndyrën.

Jo vetëm që shafrani forcon metabolizmin tuaj, por gjithashtu ndihmon trupin tuaj të tres më shpejt yndyrnat. Përfitimet e qumështit me shafran për humbje peshe nuk kanë të mbaruar, një studim i kohëve të fundit sugjeron që kur e konsumoni rregullisht, parandalon grumbullimin e yndyrës në trup – duke e bërë atë një substancë efektive për të shpejtuar dobësimin tuaj.

Zemra juaj do të qëndrojë e fortë dhe e shëndetshme.

Shafrani i Indisë do të frenojë lëshimin e citokinave në trupin tuaj. Citokinat janë substanca që kanë të bëjnë me inflamacionin dhe sëmundjet kardiovaskulare. Marrja e qumështit me shafran çdo natë mund të ndihmojë në zvogëlimin e rrezikut të shfaqjes së problemeve në zemër.

Truri juaj do të bëhet më i shëndetshëm dhe më vigjilent.

Do të rrisni nivelin e BDNF, një substancë që rrit numrin e lidhjeve nervore në tru dhe ul rrezikun e zhvillimit të sëmundjeve degjeneruese si Alzheimer.

Sistemi juaj imunitar do të forcohet.

Kurkumina që gjendet tek shafran i Indisë është një agjent i fuqishëm që do të aktivizojë kimikatet tuaja mbrojtëse si qelizat T, qelizat B, qelizat natyrore vrasëse, etj. Sistemi juaj imunitar do të fitojë më shumë forcë për të sulmuar trupat e huaj.

Kockat tuaja do të bëhen më të forta.

Shafrani i Indisë do të parandalojë humbjen e eshtrave në trupin tuaj me rreth 50%. Qumështi i pasur me kalcium, i mbushur me vitaminë D, së bashku me gjysmë luge çaji shafran shërben si një tonifikues efektiv për kockat tuaja.

(Kosova Sot Online)