A transmetohet koronavirusi nëpërmjet marrëdhënieve s*ksuale? Masat mbrojtëse që duhet të marrim

  • 14 mars 2020 - 18:36
A transmetohet koronavirusi nëpërmjet marrëdhënieve s*ksuale? Masat mbrojtëse që duhet të marrim

Bota po përballet me një virus vdekjeprurës, që tashmë është shpallur në gjithë globin një pandemi. Shumë njerëz janë sensibilizuar, të ndjekin rregullat, qoftë ato të higjienës, por edhe të marrjes së masave parandaluese, duke përdorur maskë mbrojtëse për rrugët e frymëmarrjes, apo doreza që kontakti me duar të jetë minimal.

Por, a ju kishte shkuar ndonjëherë në mend të mbroheni dhe nga marrëdhëniet seksuale, pasi mund të jetë një rrugë e lehtë për të transmetuar COVID-19?

A transmetohet koronavirusi nëpërmjet marrëdhënieve seksuale? Çfarë duhet të dini për COVID-19 dhe aktivitetin seksual? Për pyetje të tilla përgjigjen do e merrni në artikullin mëposhtë.

Reuters raportoi se shitjet për prezervativët janë rritur në Kinë, kur u zbulua emri zyrtar i COVID-19për koronavirusin që po përhapet në të gjithë globin. Shitjet e prezervativëve janë aq të larta atje, ata aktualisht janë duke u renditur si një nga artikujt më të njohur që blihen nga faqet e tregtisë elektronike.

E gjithë kjo na çon në pyetjen tjetër: A mund të kontraktoni koronavirusin nga seksi? Po puthjet? Po në lidhje me gojën?

Përgjigja e shkurtër është se ekspertët me të vërtetë nuk e dinë. “Ajo që ne dimë deri më tani është se COVID-19 është i pranishëm në sekrecione të frymëmarrjes,” – thotë specialisti i shëndetit Kristin Englund. Sekretimet e frymëmarrjes përfshijnë pikat që dalin nga goja e një personi nga kollitja ose teshtitja. Për shkak se këto sekrecione nga një person i infektuar mund të mbajnë virusin, disa vende (si Franca) po dekurajojnë njerëzit të përshëndesin njëri-tjetrin me një puthje në faqe, raportoi The Washington Post.

Por puthja me një partner, natyrisht, është shumë më intime sesa thjësht një puthje në faqe. Ndërsa ka kuptim që puthja me dikë të infektuar me COVID-19 mund të të linte të infektuar, “në këtë pikë kohe, ne nuk i dimë këto detaje specifike,”– thotë Dr. Englund. Ajo që ne dimë është se Qendrat për Kontrollin dhe Parandalimin e Sëmundjeve (CDC) thonë se virusi mund të përhapet nga “kontakti i ngushtë” me dikë, me kontakte të ngushta të përcaktuara përgjithësisht si brenda gjashtë këmbëve të një personi. Nëse jeni duke u puthur apo duke bërë seks, mirë, ju jeni mirë brenda këtij kufiri … dhe potencialisht në rrezik nëse partneri juaj mbart virusin.

A është koronavirusi i pranishëm në lëngje të tjera trupore si sekrecione vaginale apo spermë? Kjo është gjithashtu e panjohur në këtë kohë, thotë Dr. Englund. “Ne me të vërtetë nuk mund të bëjmë ndonjë deklaratë në lidhje me sigurinë (e aktivitetit seksual) kur nuk kemi asnjë të dhënë për të.”

Nëse jeni të shqetësuar për të qëndruar të shëndetshëm, atëherë ka kuptim të shmangni puthjet ose të afroheni fizikisht me partnerin i cili po tregon shenja të koronavirusit, të cilat përfshijnë simptoma të ngjashme me gripin, si kollitja, teshtitja dhe ethet. “Ne mendojmë se rreziku i transmetimit është më i madh kur njerëzit janë simptomatikë,” – thotë Dr. Englund. Nëse shqetësoheni që partneri mund të jetë bartës i koronavirusit, por nuk po tregon shenja, është më mirë të shtyni çdo seancë seksuale deri në sa të jeni të sigurt që nuk mbart COVID-19.

Në rang global janë regjistruar 4,947 viktima dhe 132,000 të tjerë janë prekur nga koronavirusi në 127 vende të botës. Kina e cila ishte vendi i parë në botë i prekur nga koronavirusi pasi atje shpërtheu për herë të parë. Ndërkohë tashmë në Europë Italia është vendi më i prekur, ku numri i viktimave ka shkuar në 1266 dhe janë prekur mbi 15 mijë të tjerë. SHBA ka mbyllur të gjitha udhëtimet me Europën për një muaj si shkak i këtij virusi. Në Greqi është shënuar një viktimë, në Kosovë jnaë konfirmuar dy rastet e para ndërsa në Shqipëri janë 33 të infektuar, mes tyre një viktimë.

(Kosova Sot Online)