Keni dhimbje të vazhdueshme të thembrave kur jeni në këmb? Ja çfarë duhet të bëni…

Ju nuk jeni të vetmit që ju dhembin thembrat, shpesh kjo është një simptomë që e kanë shumë prej nesh. Një shumëllojshmëri faktorësh mund të shkaktojnë, si trauma, të qenit mbipeshë, këpucët e parehatshme dhe inflamacioni. Është e rëndësishme të dini se dhimbjet e thembrave nuk duhen duruar për një kohë të gjatë, pasi sëmundjet që shkaktojnë ato mund të përparojnë dhe të bëhen më të rrezikshme.

Në mënyrë që të shpëtoheni nga sikleti dhe të rivendosni shëndetin e këmbëve tuaja, ju duhet të dini se çfarë e ka shkaktuar dhimbjen në thembra. Ne zbuluam se cilat çrregullime mund të shkaktojnë dhimbje në thembra dhe si t’i trajtoni secilën prej tyre.

Frakturë e kockës së thembrës

Një thyerje e kockës së thembrës ose të çara në të mund të shkaktohet nga lëndimet. Dhe ndonjëherë ato kalojnë pa u vënë re dhe nuk shfaqen për një kohë të gjatë.

Trajtimi

Trajtimi varet nga lloji i thyerjes. Për disa thyerje mund të përdoret trajtim jo kirurgjik. Për shembull, imobilizimi i këmbës në një pjesë këpuce në mënyrë që kocka e thyer të mos lëvizë.

Metoda Pushim, Akull, Ngjeshje, Përmirësim (RICE) gjithashtu mund të ndihmojë. Bëni pushim, vendosni një pako akulli në këmbë, vishni çorape të ngushta dhe mbajeni këmbën mbi nivelin e zemrës.

Artriti reaktiv

Artriti reaktiv ndikon tek nyjet e këmbëve dhe zhvillohet si rezultat i infeksioneve të kaluara, si gonorreja, salmoneloza, ureaplazmoza, dizenteri dhe sëmundje të tjera që prekin sistemin urinar ose traktin gastrointestinal. Simptomat dalluese të artritit reaktiv, përveç dhimbjes së thembrës, janë se përkeqësohet natën, ndjesi të pakëndshme në zonën gjenitale dhe inflamacion i nyjeve dhe syve.

Trajtimi

Nëse inflamacioni i zonës së thembrës është rezultat i sëmundjeve si klamidia, gonorreja ose infeksione të tjera gjenitale, ato duhet të shërohen urgjentisht. Vizitohuni tek mjeku juaj sa më shpejt që të jetë e mundur.

Artroza

Artroza shkakton deformim dhe shkatërrim të nyjeve dhe mund të ndikojë edhe tek këmba.

Trajtimi

Qëllimi i trajtimit të artrozës është lehtësimi i dhimbjes. Mund të përfshijë:

Injektimi i acidit hialuronik në nyjen e dëmtuar për të reduktuar inflamacionin dhe rritjen e lëvizshmërisë.

Reduktimi i peshës për të zvogëluar stresin në nyje.

Zëvendësimi i pjesës së dëmtuar me një artificiale.

Dushet për të zvogëluar ënjtjen rreth nyjes.

Ekziston edhe një ilaç natyral për zvogëlimin e inflamacionit – masazh me limon. Thjesht vendosni lëng nga një fetë limoni mbi nyjen e dëmtuar.

Bursiti

Bursiti është një sëmundje që karakterizohet nga inflamacioni i linnjës artikulare.

Trajtimi

Bursiti mund të përmirësohet. Mjeku mund të përshkruajë një antibiotik nëse inflamacioni shkaktohet nga një infeksion, ose një injeksion për të lehtësuar dhimbjen. Në një rast kritik, mjeku mund të përshkruajë një operacion për të hequr bursitin.

Masat konservative për lehtësimin e dhimbjeve:

Merrni ibuprofen.

Kur flini në anë, vendosni një jastëk midis këmbëve për të lehtësuar tensionin.

Bëni një dush me ujë të ngrohtë ose aplikoni një kompresë të ngrohtë në zonën e prekur.

Përdhesi

Për shkak të përdhesi, uratet (kripërat e acidit urik) depozitohen në nyje, dhe kjo mund të shkaktojë dhimbje të rënda në thembra.

Trajtimi

Për të ulur dhimbjen dhe ënjtjen, aplikoni akullin në zonën e prekur dhe ngrini këmbën tuaj mbi nivelin e zemrës. Gjithashtu merrni ilaçet anti-inflamatore.

Trajtimi për përdhesin ka për qëllim zvogëlimin e nivelit të acidit urik në trup:

Pini shumë lëngje.

Hiqni dorë nga alkooli.

Mjeku juaj mund të përshkruajë medikamente të veçanta për ju, të tilla si Allopurinol.

Fashiti plantar

Fashiti plantar është një inflamacion i pjesës së shputës që lidh kalkaneusin me pjesët e tjera të këmbës. Simptoma kryesore është dhimbja e thembrave.

Trajtimi

Nuk ka trajtim universal për këtë sëmundje. Por ka disa mënyra për të lehtësuar gjendjen dhe për të parandaluar zhvillimin e mëtejshëm të sëmundjes.

Para së gjithash, është e nevojshme të zvogëlohet ngarkesa në këmbë, të përpiqeni të përmbaheni nga ecja e tepërt apo vrapimi.

Për të ulur ënjtjen dhe dhimbjen në këmbë, aplikoni akull në këmbë.

Para se të dilni nga shtrati, ngrohini këmbët tuaja: uluni në shtrat dhe shtrini këmbët para jush, tërhiqni këmbët drejt jush, rrotulloni ato në drejtim të akrepave të orës dhe pastaj në të kundërtin.

Përsëriteni 10 herë.

Formimi i kalciumit në shputë

Formimi i kalciumit që është lokalizuar në kockën e thembrave, mund të shfaqet për shkak të lëndimeve dhe sëmundjeve të nyjeve dhe eshtrave. Dhimbja shtohet sidomos kur ecën dhe shkelën në këmbë.

Trajtimi

Blej mbështjellëse për thembrën ose shollë ortopedike.

Një mjek mund të përshkruajë fizioterapi: duke përfshirë aplikimet e baltës, banjot minerale dhe terapi me ultratinguj.

Në raste ekstreme, mjekët mund të ofrojnë kirurgjinë për rritjen e kockave.

Ky ilaç natyral mund të ju ndihmojë gjithashtu: Grini 100 g lakër me një rende të trashë. Hidhni në të 100 ml ujë të vluar. Pasi të jetë ftohur në temperaturën e dhomës, vendosni thembrat dhe mbajini për 5 minuta.

Dëmtimi i tendinës së Akilit

Nëse keni dhimbje kur vendosni thembrën në tokë pas një stërvitje, mund të keni plagosur tendinën tuaj të Akilit.

Trajtimi:

Plagët e tendinës së Akilit duhet të shërohen vetë. Por ju mund ta përshpejtoni procesin:

Merrni ilaçe kundër dhimbjeve si ibuprofen.

Mos mbingarkoni këmbën tuaj. Ecni duke përdorur paterica.

Kur shtriheni ose uleni, vendoseni këmbën në një jastëk.

Mbështilleni kyçin me një fashë elastike për të zvogëluar ënjtjen.

Përdorni një shtrojë për të mbrojtur tendinën nga shtrirja e mëtejshme.

Thembrat e plasaritura

Çarje të thella të formuara në një shtresë të trashë të lëkurës së thembrës mund të shkaktojnë dhimbje të forta kur ecni dhe madje rrjedhin gjakderdhje.

Trajtimi

Hapi i parë është të konsultoheni me një dermatolog në mënyrë që të përjashtoni mundësinë e infeksioneve kërpudhore të këmbëve.

Një tjetër shkak i shputës së plasaritur është lëkura e thatë. Kjo është sidomos akute në verë, kur kemi veshur këpucë të hapura.

Për të parandaluar shfaqjen e plasjeve të thella, është e nevojshme që të zbutni thembrat  tuaja me krem dhe të hiqni lëkurën e vdekur.

Bonus: Si të parandaloni dhimbjen e thembrave

Vishni vetëm këpucë të rehatshme me shtresa.

Mos e tejkaloni gjatë stërvitje, rritni gradualisht ngarkesën dhe bëni ngrohje para stërvitjes.

Kujdesuni për peshën tuaj. Pesha e tepërt mund të ndikojë negativisht në shëndet, duke përfshirë edhe nyjet.

Mos ecni zbathur në sipërfaqe të forta dhe stërvituni vetëm me këpucë atletike.

Në rast të ndonjë dëmtimi, konsultohuni me mjekun.

(Kosova Sot Online)