Ushqimet e shëndetshme, që mbrojnë nga ftohja dhe gripi

  • E.K /
  • 12 gusht 2020 - 13:00
Ushqimet e shëndetshme, që mbrojnë nga ftohja dhe gripi

VITAMINA A

E forcon shikimin dhe sistemin mbrojtës Mund ta gjeni në perime të gjelbra me fleta dhe në pemë dhe perime me ngjyrë të verdhë, të portokalltë dhe të kuqe (karotat, domatet, pjeshkat, kajsitë, pjeprat), si dhe në mëlçi, vezë, qumësht dhe produkte të qumështit. Është e mirë për shëndet të syve, mbron nga sëmundjet, e shtyn plakjen, shkatërron radikalet e lira dhe mirëmban sistemin mbrojtës të organizmit. Sasia e nevojshme është 0.6 miligramë në ditë, ndërsa mund të konsumohet nga 100 gramë mëlçi të pulës, 100 gramë karota ose 200 gramë spinaq.

VITAMINAT E GRUPIT B

Të mira për sistemin nervor dhe për metabolizëm Më të rëndësishmet, ato B1, B2, B6 dhe B12 mund të gjenden në vezë, qumësht, mish, mëlçi dhe proshutë, si dhe në tharmin e birrës, drithëra integrale, banane, perime të gjelbra dhe gështenja. E forcojnë sistemin nervor, ndërsa vitaminat B2, B6 dhe B12 i mirëmbajnë si duhet të gjitha funksionet e metabolizmit. Sasia e nevojshme e vitaminës B1 është 0.9 miligramë në ditë e mund të konsumohet nga 100 gramë proshutë ose 100 gramë drithëra integrale; e vitaminës B2 është 1.3 miligram e mund të gjendet në 50 gramë të mëlçisë së viçit; e vitaminës B6 është 1.1 miligram dhe mund të gjendet në 200 gramë banane, ndërsa e vitaminës B12 është 2 mikrogramë dhe mund të gjendet në një të verdhë të vezës.

VITAMINA C

E domosdoshme për luftën kundër baktereve dhe viruseve Mund të gjendet në pjesën më të madhe të pemëve dhe perimeve, e më së shumti në agrume, kivi, pemë të malit, pjepër, domate, spec, sallatë dhe spinaq. Është antioksiduese e fortë, shkatërron radikalet e lira, absorbon hekurin, mbron qelizat nga dëmtimet dhe merr pjesë në sintezën e hormoneve. Sasia e nevojshme është 60 miligramë në ditë e mund të konsumohet nga lëngu i freskët i dy portokajve. Nëse pini duhan, është e nevojshme sasia e dyfishtë, pasi përbërësit e cigareve e shkatërrojnë atë.

VITAMINA D

Forcon eshtrat dhe muskujt Mund të gjendet në qumësht, të verdhë të vezës, peshk ton dhe salmon. E rregullon krijimin e fosforit dhe kalciumit, mineraleve të domosdoshme për fortësi dhe rezistencë të eshtrave, muskujve dhe indeve nervore. Sasia e nevojshme është deri në 10 mikrogramë në ditë, e mund ta gjeni në 100 gramë salmon ose në një gotë me qumësht. Dhjetë minuta të qëndrimit në diell do ta sigurojnë gjithashtu sasinë e nevojshme.

HEKURI

Për energji dhe efikasitet Mund të gjendet në mëlçi, mish të lopës, fara të kungullit dhe lulediellit, sallatë jeshile, ndërsa absorbimi mund të përshpejtohet me konsumim paralel të vitaminës C, në formë të lëngut të portokallit, specit ose majdanozit. E transporton oksigjenin deri te qelizat, ndërsa mungesa e tij e dobëson imunitetin dhe përqendrimin. Sasia e nevojshme është 15 miligramë në ditë (prej moshës 15-vjeçare); 10 miligramë (prej moshës 51-vjeçare).

MAGNEZI

Kundër stresit Mund ta gjeni në flluska të bollgurit, pemë të thara, fara të lulediellit, pemë me kokrra të kuqe, brokoli dhe djathë. Është i mirë për funksionim të muskujve, nervave dhe energji të metabolizmit. Sasia e nevojshme është 350 miligramë në ditë (prej moshës 15-vjeçare); e 300 miligramë në ditë (pas moshës 25-vjeçare).

(Kosova Sot Online)