Lexoni edhe:
Shkodran Tolaj shkëlqen me interpretimin e këngës 'Retë e zeza'
Këto ushqime përmirësojnë gjendjen tuaj shpirtërore
Studimet kanë treguar se ushqimi që hamë mund të ndryshojë gjendjen shpirtërore dhe të sjellë ndryshime pozitive në jetën tonë. Më poshtë abcneës.al ju ka sjellë një listë të këtyre ushqimeve që lehtësisht mund t’i gjeni edhe në një dyqan lagjeje.
1. Patatina vs kokoshka
Patatinat nuk është se janë një zgjedhje e shëndetshme kur bëhet fjalë për t’i ngrënë ndërsa shikoni TV ose ndonjë film. Ato janë të skuqura në vaj të ngopur dhe plot acide yndyrore omega-6 që ju bëjnë të ndiheni jo mirë nga ana shpirtërore. Nga ana tjetër, kokoshkat janë të pasura me karbohidrate që bëjnë që nivelet e hormonit të lumturisë të rriten, duke ju bërë të ndiheni të lumtur dhe të relaksuar.
2. Çokollatë me qumësht vs çokollatë e zezë
Çokollata e zezë përmban anandamid, një përbërje që ndihmon të ndiheni më të qetë dhe të relaksuar. Dihet gjithashtu se bllokon ndjenjat e dhimbjes dhe trishtimit. Për rezultate më të mira, provoni çokollatë me të paktën 72% kakao dhe më pak se 5 gram sheqer, informon abcnews.al.
3. Banane jo-organike vs banane organike
Bananet përmbajnë elemente që përmirësojnë humorin si Vitamina B6 dhe dopamina. Hani një në mëngjes për t’ju mbajtur të lumtur gjatë gjithë ditës. Sigurohuni që banania të jetë organike pasi pesticidet që spërkaten shpesh në fruta dhe perime jo-organike përmbajnë një dozë neurotoksinash të cilat mund të ndikojnë negativisht në gjendjen tuaj shpirtërore.
4. Pije freskuese vs çaj jeshil
Të gjithë e dimë që pijet freskuese nuk janë të mira për shëndetin tonë, por gjithashtu nuk janë të mira as për gjendjen tonë shpirtërore. Si një alternativë ndaj pijes me gaz, provoni çajin jeshil. Theanina e pranishme në çajin jeshil ndihmon në luftimin e ankthit dhe ju bën të ndiheni më të relaksuar, informon abcnews.al.
5. Proshutë vs salmon
Mishi i përpunuar zakonisht vjen nga kafshë që nuk ushqehen me ushqim të shëndetshëm. Për më tepër, ato shpesh injektohen me preservantë, nitrate dhe ngjyra të cilat dihet se shkaktojnë depresion dhe ndryshime të humorit. Në vend të kësaj, zgjidhni salmon pasi përmban vitaminë D dhe acide yndyrore omega-3, dy lëndë ushqyese për të cilat është treguar se rrisin nivelet e hormonit të lumturisë.
6. Kripë vs pluhur piper i zi
Ekspertët na paralajmërojnë se ngrënia e tepërt e kripës ka të bëjë me presionin e lartë të gjakut, i cili siç e dimë të gjithë shpesh na prish dhe humorin. Pluhuri i piperit të zi është një tjetër erëza që mund të shtohet në ushqimin tuaj, por ndryshe nga kripa, nuk do t’ju bëjë të jeni në depresion. Në fakt, piperi i zi përmban piperinë e cila është zbuluar se lufton depresionin dhe rrit funksionin njohës të trurit.
(Kosova Sot Online)
