A e pini kafen në bark të thatë?

Nuk ka dyshim se kafja është e dobishme për organizëm, por ajo nuk do të duhej të pihej në bark të thatë, sidomos jo në mëngjes. Një gjë e tillë shkakton lirimin e acidit klorhidrik, gjë që përcillet me rritjen e nivelit të kortizolit në organizëm. Ky është një hormon, i cili e kontrollon “orën biologjike” dhe na ndihmon që të rrimë zgjuar. Rritja e nivelit të thartirës në lukth mund të shkaktojë vjellje apo fryrje.

Thartira ka funksion të zbërthimit të ushqimit në lukth. Kur konsumojmë ushqime të rënda, kjo mund të shkaktojë probleme me tretje, meqë mund të paraqiten vështirësi në tretjen e proteinave. Kur proteinat nuk treten si duhet, atëherë kjo mund të çojë deri te problemet tjera, sikur që janë kallja e zorrëve, fryrja, irritimi, bile edhe kanceri i zorrës së trashë.Për këtë shkak, kafen duhet konsumuar një orë pasi që të zgjohemi. Por, duhet ngrënë diçka para se ta pini kafen, qoftë edhe një rriskë bukë. Për ta zvogëluar efektin e dëmshëm të kafes, asaj mund t’i shtoni qumësht, apo gjalpë. 

(Kosova Sot Online)