Premtimi i Messit nëse Argjentina e fiton Kupën e Botës
Lionel Messi ka bërë një premtim interesant nëse Argjentina e fiton Kupën e Botës në Rusia 2018.
Nuk është sekret se Argjentina dëshiron ta fitojë Kupën e Botës me çdo kusht verën e ardhshme. Bërja Kampion i Botës me Argjentinën do t’ia kompletonte për bukuri Messit kabinetin e trofeve, e po ashtu dhuronte përfundimisht yllit të Barçes suksesin e nevojshëm për t’u konsideruar vërtetë si lojtari më i mirë në histori të futbollit.
Duke dolur para ndeshjes miqësore ndërmjet Argjentinës dhe Rusisë, e cila zhvillohet të shtunën në Moskë, Messi mezi e ka ndalur të qeshurën kur ka zbuluar se çfarë do të bënte nëse Argjentina e fiton Kupën e Botës vitin e ardhshëm.
“Nëse e fitojmë Kupën e Botës, premtoj se do të eci në këmbë nga Rosario në San Nicolas”, ka thënë 30-vjeçari për “TyC Sports”.
San Nicolas ndodhet më shumë se 70 kilometra larg vendlindjes së Messit, Rosarios.
(Kosova Sot)