​Lëndohet mbrojtësi i Kombëtares

  • 04 December 2017 - 13:33
​Lëndohet mbrojtësi i Kombëtares

Metz pësoi një tjetër disfatë në këtë fundjavë dhe ishte Nice që e mundi me rezultatin 3-1.

Kjo ka bërë që skuadra në të cilën aktivizohet Ivan Balliu të mbyllë tabelën e klasifikimit me vetëm katër pikë pas 16 javësh të luajtura.

Mirëpo, disfata e fundjavës nuk ka qenë i vetmi lajm i keq, pasi mbrojtësi i Kombëtares shqiptare është dëmtuar dhe vetë trajneri i saj e ka konfirmuar që bëhet fjalë për një lajm të rëndë.

Futbollisti kuqezi ka nxjerrë shpatullën dhe ky dëmtim besohet se do ta mbajë atë larg fushave të lojës për disa javë. Kjo bën që Balliu ta ketë mbyllur para kohe fazën e parë dhe vitin kalendarik.

(Kosova Sot)