Lorik Cana e feston në këtë mënyrë nga Roma fitoren e Vëllaznimit ndaj Dritës!

  • 11 shkurt 2019 - 12:29
Lorik Cana e feston në këtë mënyrë nga Roma fitoren e Vëllaznimit ndaj Dritës!

Lorik Cana e ka shijuar në maksimum kualifikimin e Vëllaznimit në gjysmëfinale të Kupës së Kosovës

Vëllaznimi bëri sensacion dje duke e mposhtur Dritën me rezultat 1:0, për ta siguruar një vend në gjysmëfinale të Kupës së Kosovës.

Dhe, fitores së gjakovarëve i është gëzuar kapiteni legjendar i Kombëtares shqiptare, Lorik Cana.

Ish-futbollisti kosovar e ka bërë një postim në Instastory, përmes së cilit tregon se nga Roma e ka përcjellë me ëndje suksesin e klubit gjakovar, të cilin kohë më parë e ka marrë në dorë babai i tij, Agim Cana.

Fotografinë ai e ka përcjellë me një emoji zemër, duke e shfaqur dashurinë që e ndjen për klubin kuqezi. 

(Kosova Sot)