Vinicius e kërkon këtë rrogë nga Reali, për ta vazhduar kontratën!
Sulmuesi i ri i Real Madridit ka vënë kushte për kontratën e re.
Vinicius Junior ka vënë kushte për vazhdimin e kontratës me Real Madridin.
Sipas mediave spanjolle, sulmuesi i ri brazilian e ka kërkuar rrogën prej 10 milionë eurosh në vit me kusht që ta nënshkruajë kontratën e re.
Sulmuesi këmbëshpejtë po luan në ekipin e parë të “Los Blancos” pas largimit të Cristiano Ronaldos dhe lëndimeve të Gareth Bale e Marco Asensios.
Vinicius gjithashtu ka kërkuar edhe minutazh të mjaftueshëm në “Santiago Bernabeu” dhe përmirësim të bonuseve për arritjen e objektivave individuale dhe ekipore.
(Kosova Sot)