Arsenali ka përmbysur gjithçka në Emirates për t’u kualifikuar në çerekfinale - Sport - Kosova Sot 
Arsenali ka përmbysur gjithçka në Emirates për t’u kualifikuar në çerekfinale

Arsenali ka përmbysur gjithçka në Emirates për t’u kualifikuar në çerekfinale

Arsenali ka përmbysur gjithçka në Emirates për t’u kualifikuar në çerekfinale të Europa League

Pas humbjes 3-1 në udhëtim, Arsenali ka treguar dhëmbët në takimin e dytë, për të fituar 3-0, duke u kualifikuar kështu në çerekfinale të Europa League.

“Topçinjtë” e nisën shumë mirë takimin, duke gjetur golin e parë pas 5 minutave lojë, Pierre-Emerick Aubameyang ishte ai që zhbllokoi rezultatin.

Kurse për 2-0 shënoi mesfushori i ri, që po luan si mbrojtës i djathtë, Ainsley Maitland-Niles, në minutën e 15’, pas një asisti nga ana e Aubameyang.

Kjo ishte nata e ish-sulmuesit të Borussia Dortmundit, që gjeti një tjetër gol në këtë ndeshje, të dytin personal dhe të tretin për ekipin e tij në minutën e 72’.

Kështu, Xhaka dhe Mustafi, që startuan për “Topçinjtë”, do të mësojnë rivalin të premten në shortin që do të hidhet në ora 13:00. 

 

(Kosova Sot)

15 orë e 57 minuta më parë
21/03/19