“Danimarka e evitoi poshtërimin në Kosovë”

  • 22 March 2019 - 10:39
“Danimarka e evitoi poshtërimin në Kosovë”

Mediat daneze shkruajnë se barazimi i rezultatit në minutat shtesë e shpëtoi Danimarkën nga poshtërimi në duel me Kosovën

Mediat daneze kanë mbetur të befasuara me Kosovën.

Madje, ato i janë gëzuar barazimit në minutat shtesë të Danimarkës në duelin miqësor me Kosovën, i cili përfundoi baras 2:2.

“Dardanët” bënë një lojë të madhe të enjten mbrëma në stadiumin “Fadil Vokrri” duke udhëhequr deri në fund.

Por, një pakujdesi në mbrojtje iu kushtoi atyre dhe e pësuan golin në minutën e 91-të.

Danezët prisnin fitore të lehtë ndaj Kosovës, por ata u befasuan në kryeqytetin kosovar.

Mediat e këtij vendi shkruajnë se danezët i shpëtuan turpërimit në minutat e fundit.{sport}

“Mirë. Danimarka e evitoi poshtërimin”, ka shkruar mediumi i madh danez, “Ekstrabladet” në versionin e tij online.

“Para ndeshjes me Zvicrën, që do të luhet më 26 mars, Danimarka i provoi vlerat e saj me vendin ballkanik, Kosovën”, vazhdon ky medium.

Kosova bëri lojë të madhe duke shënuar dy gola me Amir Rrahmanin dhe Bersant Celinën.

Danimarka i kishte pësuar vetëm dy gola gjatë tërë vitit 2018, ndërsa në atë 2019 i mori dy gola vetëm ndaj Kosovës.

Verdhekaltrit do ta nisin kampanjën kualifikuese për Evropianin 2020 të hënën që vjen me ndeshjen ndaj Bullgarisë.

(Kosova Sot)