Reagon Khabibi pas pensionimit të McGregorit

26 March 2019 - 14:36

Vetëm disa orë pasi Conor McGregor e zyrtarizoi pensionimin e tij nga artet e përziera marciale, Khabib Nurmagomedov ka reaguar ndaj këtij lajmi.

Rivali më i madh i Conor McGregorit, Khabib Nurmagomedov i është përgjigjur lajmit se irlandezi i ka dhënë fund karrierës së tij në artet e përziera marciale duke e lavdëruar veten.

“Mund të ketë vetëm një mbret në xhungël”, shkroi rusi në llogarinë e tij në Twitter, duke e vazhdoi me një emotikon të gishtit tregues pas fjalës “I vetëm”.

Conor McGregor e zyrtarizoi sot në mëngjes pensionohet i tij nga MMA, artet e përziera marciale. Këtë gjë, ai e bëri të ditur përmes llogarisë së tij në Twitter.

“Hej djelmosha, e kam një deklaratë të shkurtër. Kam vendosur të pensionohem nga sporti i cili njihet zyrtarisht sot si “Artet e përziera marciale”, shkruan irlandezi 30-vjeçar.

“U uroj të gjithë ish-kolegëve të mi të shkojnë sa më shumë përpara në këtë garë. Tani u bashkohem ish-kundërshtarëve të mi në pensionim”.

Ky lajm vjen vetëm dy javë pasi McGregor u arrestua në jug të Floridës pasi besohet se ia kishte vjedhur dhe shkatërruar një burrit një telefon, pasi ai kishte tentuar ta bënte një fotografi me irlandezin.

McGregor u akuzua për vjedhje dhe shkaktim të dëmit, sipas raportit të policisë së Miamit.

Në vitin 2016, McGregor kishte thënë se ai ka vendosur që do të pensionohet kur të jetë i ri, edhe këtë herë përmes Twitterit, pasi kishte pësuar disfatë ndaj Nate Diazit. Megjithatë, ai iu kthye arteve të përziera marciale vetëm tre muaj më vonë, për një rimeç me amerikanin.