Morata shkëlqen në fitoren e Spanjës ndaj Maltës
Alvaro Morata ka shkëlqyer me dy gola në fitoren e Spanjës 2:0 kundër Maltës, në ndeshjen e rrethit të dytë të Grupit F kualifikues për Kampionatin Evropian 2020.
Sulmuesi i Atletico Madridit Morata shënoi dy herë për t’ia dhënë Spanjës fitoren e dytë në po aq ndeshje në kualifikime për EURO 2020 ndaj Maltës të martën në Ta’Qali.
Spanja është lidere e Grupit F me 6 pikë pas fitoreve ndaj Norvegjisë dhe Maltës.
Morata e hapi serinë e golave në minutën e 31-të kur shënoi nga afërsia.
Rreth një çerek lojë para fundit, sulmuesi i Atleticos e dyfishoi epërsinë e Spanjës pas një asisti nga Jesus Navas.
Malta mbetet në kuotën e 3 pikëve pas fitores ndaj Ishujve Farore në ndeshjen e parë në Grupin F.
(Kosova Sot)