Zyrtare: Egzon Binaku i Shqipërisë largohet nga Malmo
Egzon Binaku është transferuar te Norrkoping.
Mbrojtësi i majtë i Kombëtares shqiptare, Egzon Binaku, edhe zyrtarisht ka lënë Malmon për t’u transferuar te skuadra e Norrkoping
Lajmi është bërë i ditur në faqen zyrtare të klubit suedez.
Binaku e humbi vendin e titullarit në muajt e fundit dhe vendosi të provojë një aventurë të re.
“Kohët e fundit nuk kam qenë në planet e trajnerit, ndaj zgjodha një sfidë të re”, u shpreh ai pas kalimit te Norrkoping.
“Edhe pse nuk ka shkuar ashtu siç e kisha menduar, jam i lumtur për kohën që kam kaluar te Malmo”.
“Kishte momente shumë bukura, unë dua t’i falënderoj të gjithë”, ka deklaruar mbrojtësi gjatë prezantimit në klubin e ri.
Klubi suedez nuk ka treguar asgjë sa i përket kontratës së 23-vjeçarit me Norrkoping.
Binaku ka bërë 5 paraqitje me Shqipërinë dhe shihet si e ardhmja e Kombëtares shqiptare.
(Kosova Sot)