Gjilani e Trepça ’89 ndajnë pikët, Drenica e shkatërron KEK-un
Janë mbyllur dy përballjet e programuar për ditën e shtune në kuadër të javës së 24-të të Ipko Superligës së Kosovës.
Në Gjilan u përballen Gjilani dhe Trepça ’89, ndërkohë në “Agron Rama” të Obiliqit KEK-u priti Drenicën.
Gjilani barazoi 1-1 me Trepçën për t’i ndarë pikët.
Golin e epërsisë për vendasit e shënoi Wilber Perez në minutën e dytë të ndeshjes. Ai realizon me kokë pas harkimit të bukur të Endrien Maganit.
Por, mysafirët barazuan gjithçka në pjesën e dytë me anë të Hasan Hyseni. Ai shënoi për 1-1 në minutën e 47, që doli të jetë rezultati përfundimtar i takimit.
Në sfidën tjetër, Drenica e ka shkatërruar KEK-un.
Rezultati u zhbllokua me anë të Qemail Elshanit në minutën e katërt, kurse në atë të 13’ Kreshnik Uka shënoi për 2-0.
KEK-u ngushtoi epërsinë e mysafirëve në minutën e 37’, Isa Eminhaziri shënoi për 1-2.
Me të filluar pjesa e dytë (54’), Osman Mëziu parabolon ‘gardianin’ Drin Hodaj dhe realizon për 1-3.
Tre minuta më vonë, Atdhe Grajqevci shënoi për 4-1, kurse në atë të 86′, Nicholas Andres vulosi fatin e kësaj ndeshje duke shënuar për 5-1.
(Kosova Sot)