Pires: Nëse Mbappe s’i bashkohet Real Madridit këtë vit, atëherë do ta bëjë më 2020 patjetër
Robert Pires është i bindur se e ardhmja e Kylian Mbappes është në Real Madrid, nëse jo në të ardhmen e afërt atëherë në atë ardhmen e largët.
Duke folur për La W Radio, ish-ylli i Arsenalit dhe Villarrealit ka thënë se sulmuesi i Paris Saint-Germainit, Kylian Mbappe, do t’i bashkohet Real Madridit nëse jo këtë verë, atëherë patjeter më 2020.
I pyetur nëse Mbappe është i gatshëm ta bëjë hapin e madh dhe të luajë për Real Madridin, Pires u përgjigj: “Po, mendoj se ai është në moshën e duhur për ta ngritur nivelin dhe për t’iu bashkuar Real Madridit”.
“Ai është lojtar shumë i mirë dhe ka shumë cilësi dhe ende shumë i mirë. Ai është shumë inteligjent. Ai e di çfarë dëshiron të bëjë dhe çfarë duhet të bëjë për të ardhmen e tij”, shtoi Pires.
Mbappe është ndër synimet kryesore të kampionit evropian për të ardhmen, edhe pse PSG-ja ka këmbëngulur se nuk do ta shesë atë.
(Kosova Sot)