Gjesti ndaj Açerbit, mesfushorët e Milanit rrezikojnë skualifikimin
Polemikat nuk po shuhen pas ndeshjes Milan-Lacio. Pas asaj penalltie në favor të kuqezinjve, në fundin e takimit, pati një sherr masiv ku protagonistë kryesor ishin Açerbi, Bakajoko dhe Kesi.
Në fund, pasi gjithçka u zgjidh, mbrojtësi i Lacios u dhuroi fanelën kuqezinjve. Mirëpo këta e drejtuan atë nga tifozët, gjest që nuk është pritur mirë nga Açerbi. Një gjest që edhe mund t’i ndëshkojë 2 mesfushorët nga Gjykata Sportive.
“Nxitja e urrejtes nuk është sport, por një shenjë dobësie”, ishte reagimi i qendërmbrojtësit të Lacios, që ka qenë pjesë e Milanit më parë. Mirëpo edhe Bakajoko e Kesi kërkuan falje pas ndeshjes, duke thënë se ishte thjesht një shaka dhe nuk kishin qëllim të ofendonin askënd.
Milani arriti të fitonte me penalltinë e Kesit duke ruajtur përkohësisht vendin e katërt, që do të thotë pjesëmarrje në Ligën e Kampionëve.
(Kosova Sot)